GOLDEN GLOBE TIGERS NIGHT ah Salai Bawi Lian Mang NGO Leadership Excellence Award An Pek

Pu Bawi Lian Mang  cu “Leadership Excellence Awards” timi Hruaitutthasinak le riantuannak ah atthabik sinak minthatnak laksawng an pek. Hi laksawng an pek nak hi World Marketing Summit 2013 an tuah nak Putrajaya International Convention Center ah asi.

 

Jesuh Riantuan Thawknak

Cawnnak 10^nk

Baibal rek awk: Luka 4:16; 5:39

Tinhmi :         Jesuh Khrih cu Pathian nih thawnnak a pekmi thawngin kan harnak vialte a kan bawm khotu a si ti hngalh khawhnak caah.

            Jesuh Khrih hmanh thlacam a herhmi a si ahcun kannih cu zeitluk in dah cam chinchin awk kan herh ti kha finag tein hngalh khawhnak caah a herh bikmi a si ( Luka 5:16 ). Kan hawikom hna caah thla kan campiak hna awk a si. Nan hawikom hna an herhnak cu nan hngalhpiak kho hna maw? an inn ah maw na campiak hna> bochannak an in ngei kho maw? cun pastor le sayate ca fimnak petu sayate ca zongah thlacampiak zungzal awk a si. cun nuli pa caah a hlei tein thlacam a herh.

Jesuh Tukforh innak

Cawnnak 9^nk

Baibal rel awk: Luka 4:1-15

Tinhmi         :         Jesuh nih tukforhnak a teinak an hngalhnak le Jesuh thawngin tukforhnak phun khip kan tei khawhnak an hngalhnak ding caah.

            Nifate in kan nunnak ah sualnak tuah dingah tukforhnak kan ing zungzal. Cu bantuk tukforhnak cun kan luat lo caah zeitindah kan tei khawh lai ti ruah a hau. Jesuh nih Satan tukforhnak a tei cang ( Luka 4:1-15 ). Zeitindah tukforhnak kan tei khawh lai ti kan ruat hna lai.

Tipil Petu Johan Riantuannak

Cawnnak 8^nk

Baibal rel awk:       Luka 3:1-22; 7:19-29; Marka 1:1-8

Tinhmi                  : Sualnak kaltak in Jesuh khamhnak le ngaihthiamnak chungah luh khawhnak ding caah.

1. Johan nih ngaihchihnak kong a chim;

            Tipil petu Johan cu ramlak ramcar ah a um i khaubok le khuaihliti in a cawm. Kalauk hmul in tahmi angki fual saupi aa hruk i saphaw taisawm aa sawmh. Pathian nih a riantuantu dingah a thim caah Johan nih cun mi vialte cu sualnak ngaihchih in Pathian sinah an kir than khawhnak ding caah a chim. A bia chimmi ngaih awkah mi tampi a sinah an ra. Johan nih bia a chim tikah aw nem tein chim loin fak piin a hrocer hna ( Luka 3:7 ). Ram uktu thawk in a kuttang I rian a tuanmi bawi pawl le midang tampi zong an ra. Johan nih bia a chimh tik hna ah an sual an I hngal i an sualnak an i ngaichih. Johan sinah an va kal i an sualnak an va phuan. An sualnak ngaihthiamnak dingah Johan nih Jordan tiva ah tipilnak a pek hna ( Marka 1:5 ).

Jesuh Ngakchiat Lio Caan

Cawnnak 7^nk

Baibal rel awk:       Luka 2:1-62

Tinhmi:        Mino hna nih Jesuh than bantukin pum le in siseh, fimank le in siseh, thlarau le in siseh an than khawhnak hngal caah a si.

1. Vancungmi nih Pathian tumtahmi an phuan

            Tipil petu Johan chuaknak ding bia a chimtu “Gabriel” thiamthiam nih Jesuh chuahnak ding a chim ( Luka 1:26 ). Pathian tumtahmi a tlin khawh nakhnga caah Mari sinah sunparnak pek a si zia zong a chimh, ( Luka 1:37 ). Mari nih lungtling tein a rak cohlan i Pathian thangthatnak hla sak. Josef sin zongah vancungmi nih bia an chim.

Tipil Petu Johan Hrinnak

Cawnnak 6^nk

Baibal rel awk;       Luka 1:5-25; 57,80

Tinhmi:            Johan cu Pathian biakamnak a tlintertu a si i Jesuh Khrih ratnak ding caah lamsialtu a si ti hngalhnak caah.

KHUARUAHHARMI PATHIAN

                                                             Cawnnak 5^nk 

Baibal rel awk: Salm 51:1-4; 103:1-12; 59:1-4

Timhmi : Abiakam a tlintertu Pathian cu zumh awk le biak awk a si i amah nawlbia ngaih awk a si ti hngalh khawhnak caah.

1. Pathian cu khamh khotu a si;

Khrihfami nunnak chungah khuaruahhar bik a simi bia cu Jesuh Khrih cu khamhtu le Bawi i pom tikah kan sualnak vialte ngaih thiam a si timi hi a si. David nih cun Pathian nih a man loin ka sualnak a ka thlahpiak ti a hngalh. Cu bantukin kanmah kan sualnak kan i ngaihchih ahcun kan sualnak cu Pathian nih a kan hlahpiak khawh ko. Pathian a panhtu paoh cu ahohmanh a dawn bal hna lo. Zeicahtiah Pathian nih minung cu a kan dawt tuk caah a si (John 3:16).