Pu Bawi Lian Mang cu “Leadership Excellence Awards” timi Hruaitutthasinak le riantuannak ah atthabik sinak minthatnak laksawng an pek. Hi laksawng an pek nak hi World Marketing Summit 2013 an tuah nak Putrajaya International Convention Center ah asi.
World Marketing Summit timi vawlei cung company ngan pawl le NGO riantuan pawl, Cozah lei upa le mifimthiam pawl tonak cu Malaysia ram Putrajaya International Convention Center ah tuah asi.
World Marketing Summit 2013 cu September 28-30 nithum chung tuah asi I biachim tu ah Vawlei cung company nganbik pawl asi mi Volks Wagon motor company, Airlines company pawl, Cocacola company ti bantuk pawl, le NGO riantuan nak lei ah UNESCO, Doctors Without Borders te pawl an itel. Cozah lei in Minister level tiangl an itel I vawlei lei sinak in Saudi Arabia Siangpahrang fapa H.R.H Prince Ali Al-Hussein, Chairman FIFA vice president tiang an itel.
Hi meeting ah an tlangtar cu UNO nih kumzabu chung ah vawlei pumpi thancho nak ca tiah tinh mi UN Millennium Development Goal 8 a tlamtlin khawh nak ding ah tiah vawlei cung company ngan pipi le NGO riantuan nak minthang pawl, UN le cozah upa pawl ram 60 renglo in aiawh tu minung 600 renglo an rak kai. An mah Malaysia in a rak kai mi he cung a thong renglo an asi tiah theih asi.
UNO nih Millennium Development Goal 8 ai tinh mi cu.
1. Vawilei cung ah rawlttam nak le sifah nak hi lo cang she.
2. Vawlei cung mi dihlak nih primary tiang tal fimcawn nak an neih dih khawh nak
3. Nu le Pa covo ikhah nak le Nu pawl thancho nak tuah ding
4. Nghakchia chuakka thihloh nak a tlawm khawh chung in tlawm ter ding
5. Nu Naupawi pawl ngandam nak thancho ter ding
6. HIV/AIDS le ichonh khawh mi zawtnak ral doh ding
7. Pawngkam thingram runven ding
8. Vawlei cung mi vialte thancho nak caah riantuan ti ding
Hi acung I MDG 8 hmuitinh in nithum cung an tuah mi World Marketing Summit ah minung pumpak in hi a cung lei minung hawi thancho nak ca ding ah zoh chunh awk tlak in rian a tuan mi hna pawl lak sawng pek nak cu sung lawi taktak in tuah asi.
Cu laksawng pek nak cu Golden Globe Tigers Night tiah ti asi i cu ka ah cun CHRO in hruaitu asi mi Salai Bawi Lian Mang cu zohchunh awktlak hruaitu, a riantuan nak thawng in mi nunnak tampi a thleng tu le a minung hawi le vawlei pi nih ai that hnempi mi asi tiah international Jury nih thim in hi laksawng hi an pek mi asi.
An World Marketing Summit website nih a tial nak ah cun hi conference ah hin vawlei cung ram 70 renglo in minung 2500 an rak kai. Golden Globe Tigers Night ah hin vawlei cung minthang pawl, le hlasak thiam pawl minung 900 “By Invitation Only” an kai ti asi.
Note : GOLDEN GLOBE TIGERS NIGHT an tuah ning cangle Website zohduhmi caah ka link ah zoh khawh asi . http://www.cmoasia.org/the_golden_globe_tigers_award.html
Hi acung I MDG 8 hmuitinh in nithum cung an tuah mi World Marketing Summit ah minung pumpak in hi a cung lei minung hawi thancho nak ca ding ah zoh chunh awk tlak in rian a tuan mi hna pawl lak sawng pek nak cu sung lawi taktak in tuah asi.