Cawnnak 7nk
Baibal rel awk: Luka 2:1-62
Tinhmi: Mino hna nih Jesuh than bantukin pum le in siseh, fimank le in siseh, thlarau le in siseh an than khawhnak hngal caah a si.
1. Vancungmi nih Pathian tumtahmi an phuan
Tipil petu Johan chuaknak ding bia a chimtu “Gabriel†thiamthiam nih Jesuh chuahnak ding a chim ( Luka 1:26 ). Pathian tumtahmi a tlin khawh nakhnga caah Mari sinah sunparnak pek a si zia zong a chimh, ( Luka 1:37 ). Mari nih lungtling tein a rak cohlan i Pathian thangthatnak hla sak. Josef sin zongah vancungmi nih bia an chim.
2. Biachuakmi a phunphun nih Pathian tumtahmi a tlinter;
Biadang sawhsawh siseh law Mari cu Bethlehem khua ahcun a kal duh lem hngal lo. Asinain vawleicung nawl peknak a rak um ( Luka 2:1-5 ). Cu bia a rak umnak cu Pathian nih a rak tinmh caimi tlinternak ding caah a si. Cu pinah Pathian nih hi bia a tlamtlin khawhnak caah arfi zong a rak hman ( Matthai 2:2 ). Jesuh chuahnak kong theihternak dingah vancungmi zong a hman. Tuukhal sinah Jesuh chuahnak kong a chim dingin vancungmi a hman ( Luka 2:8-15 ).
3. Jesuh nih a ngakchiat lioah Pathian remruatmi a tlinter;
Jesuh cu Bethlehem khua ah a chuak ( Luka 2:7 ). A min ah Jesuh an sak. Vancungmi nih Khrih an sak ( Luak 2:11 ).
A Pa he an i Pehtlaihnak
Baibal ca chungah Jesuh ngakchiat lio kong tampi a um lo. A bawhte lioah Biakinn an kalpi i cu dih cun Nazaret khua in an inn ah an kir than ( Luka 2:22-30 ). Kum 12 a tlin tikah Jerusalem Biakinn ah a kal than. Judah ngakchia hna caah cun kum 12 tlin cu a biapi ngaingai. Zeicatiah kum 12 an tlin tikah Jerusalem khua i an tuahmi Lanhtak Puai le biaknak puai a phunphun an kal kho. Jesuh kum 12 a tlin in Jerusalem i kal ah a nu Mari le a pa Josef he an kal ti ( Luka 2:41-49 ); kum a tlin tikah Pathian Fapa a sinak kha Jesuh nih fiang tein a hngalh. Mari nih Jesuh sinah “na pa Josef†a ti tikah Mari nih a hngalh lo ning cu Jesuh a khuaruah a har. “Ka pa rian pei ka tuan cu†tiin fiang tein a chim.
Vawlei a nule pa he an um tinak
Nazaret khua ah a tlung i a nule a pa sinah a um. An innchung ah a herhmi riantuan in a nule a bawmh hna.
A thanning: A chuah in kum 30 a tlin tiang ziaza tha in a thang. Thanning phun tampi a um i cu thanning ah cun Jesuh cu a thang.
Titsa pum thanning: Atitsa pum cu a ngan i a sang.
Fimnak lei in thanning: A thinlung ruahnak a fim chin lengmang. Pathian hmaiah mithmai tha a hmu.
Thlarau lei thanning:Midang aa lawmhter hna.
Vawleicung thil in thawnnak: Hi bantukin a than caah mi tampi nih an zumh i a biachim ngaih an duh. Inn i a sawmtu zong an um. Jesuh ngakchiat lio le a thanning kan zoh tikah kan nih zong Jesuh bantukin kan than a herh ve.
Tisa pum thawnnak: Kan pum cu Thiang Thlarau biakinn a si ( 1 Korin 6:19 ). Kan pum a rawhtertu ding thil kan tuah awk a si lo. Kan titsapum a than pah in Jesuh min zong kan philh lo awk a si.
Fimnak than a her: Pathian nih khuaruah khawhnak ding lungthin le thluak a kan pekmi kan hman. Sianginn ah ca kan cawn tikah fimnak kan hmuh khawh nakhngal kan i zuam a herh. Pathian lemidang caah riantampi kan tuan khawhnak dingah fimnak kawl kan i zuam a herh.
Midang lunglawmter ding: Vawleicung minung kan si bantukin midang he kan i komh a herh. Madang he komh khawhnak dingah dawtnak, zaangfahnak le komh thiamnak kan ngeih a herh. Kan cungah midang an lung aa lawmh a si ahcun mitling le mitha kan si tinak a si.
Pathian lung tlinter a herh: Thlarau lei ah kan thancho a herh. Kan i thawkka nakin Khrihfa tha kan si deuh maw? Atu lio kan nunning le kan umtu zia nih hin Pathian lung a lawmhter hnga maw? Kei holhning ah tah Pathian hna kan tla hnga maw? ti ruah a herh. Minung lunglawmhnak in Pathian lunglawmhnak cu a biapi deuh ti kan hngalh a herh.
