Note ; CACC nih Sunday School cawnpiannak caah tuahmi chungin lakmi a si. 2009 copy off CCF Malaysia CE
Cawnnak 3nk
Baibal rel awk: 2 Timote 3:14-17
Timhmi : Baibal cu nifatin rel zungzal awk a herhnak le Baibal relning kan thim khawhnak ding caah Genesis in Biathlam tiang aa changchang in tialmi kha kan thiam khawh a herh ti hngalhnak caah.
1). Baibal nih a kan cawnpiak khawh;
Baibal bia nih fimnak a kan hmuhter khawh i bia `ha a phunphun a kan chimh khawh. Khamhnak kan hmuh khawhnak ding caah fimnak a kan pek khawh. Baibal ca lawng nih sual thlah khawhnak lam a kan hmuhsak khawh. Bawipa Jesuh Khrih i hawikomh khawhnak dingah Baibal nih lam a kan hmuhsak. 2 Timote 3:14-15.
2). Baibal cu kan thiannak a si:
Baibal cu kan thianhlim tertu a si. Pathian lam hruainak in tialmi a si bantukin biahmaan, biadik kan hngalh lomi a kan hngalhter i kan palhnak zong a kan chim khawh. Soisel lomi awkah a kan thianter. (2 Timote 3:16-17;Efesa 5:26)Baibal nih mithiang ah a kan canter. (1 Johan 15:3). Sual ngaihthiam kan si khawhnak ding zong a kan chimh. (1 Johan 1:9)
3). Baibal cu lamhruai khotu a si.
Baibal ca cu lam a kan hmuhsak khotu a si. (2 Timote 3:16-17). Kan theih phak khawh lomi bia zong a kan chimh khawh. Kan nunning phung zong fiang tein a kan chimh khawh. (Salm 119:105).
4). Baibal nih a hmaanmi nunnak a kan cawnpiak.
Bai hmaan, biadik i kan nun khawhnak dingah a kan chimtu a si (2 Timote 3:16-17). Kan pum a `hannak dingah ti le rawl kan ei bantukin kan thlarau a `hawnnak ah thlarau rawl a simi Baibal ca hi nifate kan rel le kan zoh a herh. (1 Peter 2:2). Cuticun kan thlarau caah ti le rawl bantukin kan ei lawngah a hmaan tein kan nung kho lai. Hebru 5:14.
5). Baibal cu kan i huhphenhnak a si.
Baibal ca cu a kan humhak khotu a si (Efesa 6:17; 2 Timote 3:16-17) chung bia bantukin nifa kan nunnak ah kan `uan, kan tuahmi cungah a hmaan tein kan nun khawhnak dingah Baibal ca a biapi a sinak kha a kan chimh. Baibal ca cu vainam bantukin kan him khawhnak caah kan hman a herh. Jesuh zong nih tukforhnak a in lio ah a rak ahcun vawlei cung bia ah siseh, thlarau bia ah siseh, kan him kho lai.
Baibal cu kan nunnak caah thlarau hriamnam `ha bik a si. A sunglawimi bia le hmantlakmi bia a si. kan rel kan hngalh lawng si loin nifate kan nunnak ah kan nun chih ikan hman awk a si. Kan rel i kan hngalh ko hmanh ah kan nunnak kan nun chih lo ahcun a man sunlawinak cu a lak, man ngei lo ah a cang ko lai.
