Cawnnak 1nk
Bawibal rel awk; Salm 19:7-11
Tinhmi ; Baibal cu Pathian thawchuah hnawhmi a si i, zumÂnak kan ngeih khawhnak dingah thazaang a kan petu, kan lung a thawnhtertu a si, ti hngalhnak caah.
Pathian kaa chuak a si ruangah a dik i `ialmi a si ti kan hngalh ahcun biadik a si i bochan awktlak a si ti kan hngalh lai. Pathian bia bantukin a tling taktak lai tiin Baibal nih a kan chimh. Ezekiel 12:25; Bia i a kan chimh ciami zong ruah `han awk a herh. A bia a zummi nih thluachuahnak an hmuh lai i a zum lomi nih cun biaceihnak an in lai.
A fekmi Pathian bia;
Salm 119:89; “Bawipa na bia cu zungzal in a hmun lai, vanÂcung ah khan fek rein a umâ€. Salm 19:8 Tat 24:25.Isaihah 40:8
2. Zeitindah `ial a si?
Pathian nih minung 40 hna hmang in a `ialmi cathian a si. Cauk fa tete 66 kawmhmi asinain Pathian pakhat sin lawng in a hung chuakmi a si. Hi Cathian (Baibal) `ialnak ah hin 1600 chung a rau. An `ialnak hmun hna cu hmun dangdang ah a si. Italy, Arabia, Greek le Siria ram hna ah an `ialmi a si. Arabia ram ah Moses nih a hmasa bik `ial hram a thawk i Pastmos tikulh ah Johan nih a hmanung bik a `ial. Biakam Hlun (Baibal Cahlun) cu Moses, Daniel, Isaiah, JereÂmiah, Joel, Solomon, David le Profet hna nih an `ial. Biakam hlun cu Ezara chan BC 450 hrawng ah `ial dih a rak si. BC 100 hrawng ah kan Baibal hlun uk 39 cu `ial dih an si hnuah Baibal ah an rak hmang cang hna. Cun atu Khrihfa Baibal si dingin AD 90 ah Palestine ram Jamnia khua Civui (council of Jamnia) nih Biakam Hlun uk 39 cu a fehter. Biakam Thar (Baibal Cathar) cauk cu 27 kawmhmi a si i a `ialtu hna cu Matthai, Marka, Luka, Johan, Paul, Jeim, Peter le Judas an si. AD 95 in 100 karlak hrawngah `ialmi an si i AD 397 ah Africa ram Carthage khua Civui nih atu Khrihfa hna ca i Baibal caÂthian cu uk khat ah a rak ser.
3. Zeidah kan tuah lai? Salm 119:105
Baibal cu ngeih sawhsawh si loin kan mit ceutertu a si caah lam hruaitu le hmuhsaknak ah hman ding a si. Salm 19:8; lam a kan hmuhsaktu a si caah nifate kan rel a herh. Salm 119:1 kan relmi bia hna cu kan i cinken peng awk le kan nung chih awk a herh. Kan rel nain kan i cinken lo le kan nunchih `ung lo ahcun santlai lo a si. salm 19:10
Sui le Ngun nakin a man a tam deuh i, khuaihliti nakin a thlum deuh hmanh ah kanmah caah kan hman lo ahcun that-hnemnak a ngei hlei lai lo. Cathian nih a kan chimhmi bai cu kan zumh i kan i bochan ding kha a biapi ngaingai. Cun kan theihmi le a kan chimhmi bia hna hi biadik le biatak in lak in kan cohlan awk a herh, atu chan ah Baibal nih a chimmi bia hmangzau in bia a phunphun a chuak `heo. Baibal nih a chim duhmi kawl le suat a hau ngaingaimi a si.
