Cawnnak 2nk
Baibal rel awk; Salm 119:9-16
Tinhmi ; Baibal Cathian cu Pathian lunglawmh ternak tuahnak caah ruahnak `ha a kan pe khotu a si ti hngalhnak caah.
A hramthawk Baibal hlun chan ahcun Baibal cauk uk 2 lawng a rak um. Pakhat cu biakinn chung i biakam kuang an timi he an chiah timi a si i kum sarih dan ah voikhat zapi theih awkin an rel tawn (Deut 31:10,24-26). Ukkhat-tu cu ram uktu siang-pahrang nih a ken i cu cauk chung bia bantukin a ram chungmi cu a uk hna (Deut 17:18-20). Khuacaan a rau deuh i cathiammi nih an `ial i pher bantukin an zual. Cu ti kut i ca`ial cu caan a rauh ngaingai caah kum tampi an rau tawn. Cu tluk in a harmi a si caah mikip nih an ngeih khawh lo hlei ah a man zong a fak ngaingai.
2. Holh phunphun in Baibal an `ial
Greek siangpahrang Alexander a si tikah vawleicung khuazakip ah Greek holh cu mi tam bik nih an theihmi a si. Cucaah Hebrew holh i `ialmi Baibal hlun cu Greek holh in an leh. Biakam thar cu a hramthawk tein Greek holh in an `ial. Caan a hung liam lengmah i mi tampi nih Pathian bia an duh chin lengmang caah AD 100 ahcun Syria le Mesopatmia (Iraq) ram hna nih anmah ram holh on an `ial ve. Cucu India ram a hung phan i nihin tiang in Indai ram Kerala Khrihfabu nih cu cauk cu an hman rih. Rom khua ah AD 150 thiamthiam ah Latin holh in an `ial ve i cucu Vulgate tiah min an sak. A lettu cu Jerome a si. Cucu AD300 hnu i `ialmi a si. Africa nitlaklei ram ah AD 200 hrawngah Izipt holh in an `ial ve. Cucaah Syria holh le Izipt holh i `ialmi Baibal hna cu a hmasa bik an si. cu hnuah hoplh phun dangdang i an `ial ruangah mi tampi cu thong ah an tla phan i a cheu cu thih tiang i a tuartu zong an um. Atu ah Baibal ca a `ialtu hna minung panga kong kan cawn lai.
John Wycliffe;
AD 1300 hnuah John Wycliffe timi Pathian a duh ngaingaimi a hung chuak i a hawile he Mirang holh in Baibal ca an leh i AD 1384 ah an tial dih. Baibal a leh i a `ial ruangah amah cu thong an thlak i a thi.
John Cutenberg;
AD 1400 hrawngah Germany ram ah John Cutenberg an timi pa a um. Amah cu sui tuahtu min thang ngai a si. Amah cu canamnak seh (Printing Press) tuah hmasa biktu a si i a canamnak seh in Germany holh, Italy holh, Frence holh, Czechoslovakia holh, Holland holh le Spain holh hna in Baibal a rak `ial hna.
William Tyndale;
William Tyndale timi pa cu AD 1500 hrawngah England ram ah a rak um. John Wycliffe tialmi Baibal ca cu Hebrew le Greek holh i `ialmi Baibal ca he zohchih i a remh hnuah Gutenberg tuahmi canamnak seh in a nam i a chuah `han. Asinanin Mirang cozah le Khrihfa pawl nih England ram chungah a luh nakhngal lo an kham. William Tyndale nih uk 3000 a nam i tilawng in an phorh. Asinain an tlaihpiak i a dihlak in mei in an khangh dih. William Tyndale nih cun a dang tampi a chuah chap thiamthiam. A hnu bik ahcun amah William Tyndale cu an tlai. Cun thing cungah an hren i mei in thi lak in an khangh. A thih lai ah hitihin thla a cam, "Bawipa England siangpahrang bawipa mitthli hi rak ceuter ko," a ti. Pathian nih a thlacamnak cu a leh i Siangpahrang nawl peknak in William Tyndale an thah hnu kumkhat ah England ram ahcun Baibal cu duh tawk in an zuar khawh. A thih hnu khu 2 a rauh tikah England ram i khrihfa um paohpaoh ah Baibal an ngeih khawh cio dih.
Bartholomew Ziegenbalg;
Bartholomew Ziegenbalg an timi pa cu Indai ram ah Pathian thawngtha chim hmasa bik pa a si. kum 1698 ah Tamil holh in Baibal Thar `ial a thawk. Amah cu 1719 kum ah a thi i a thih hlan ah Biakam Thar dihlak le Biakam Hlun Ruth cauk tiang a `ial dih.
William Carey;
William Carey cu kum 1793 ah Indai miphun holh phun 35 in Baibal ca a lehpiak hna. William le a hawile nih Baibal an kan lehpiak i an nunnak a dih tiang harnak phun kip an in ruangah Baibal Cathian kan ngeih khawhnak hi a si Cucaah Pathian kan thangthat zungzal awk a si.
Kawl holh in Baibal tialnak;
Kawlram ah Pathian thawngtha chim dingin a ra hmasa bik cu Judson a si. Kum 1813 July ni 13 ah Kawlram a phan. Amah nih Kawl holh in Baibal a leh i a `ialpiak hna atu tiang an hman ko.
Lai holh in Biabal `ialnak;
Chin holh vialte laiah Baibal ca rak `ial hmasa bikmi cu Lai holh in a si. Cu a lettu cu Carson bawi nu a si i,1920 ah a rak si. Biakam Thar dihlak si loin thawngtha Matthai, Marka, Luka, Johan le Lamkaltu hna riantuannak lawng a rak si. Cafang komhnung zong a rak i dang ngai i cu cauk phaw cungah hitihin a rak `ial. "Pathian Baibal Tsa: Matthai, Mark, Luka, Johan,Azhul". Cun Johan 3:16 cu hitihin a rak i `ial. "Zhan 3:16 Zahow Pathian fapa kha a zummi mizeimaw nih rawknak an phak nakhnga lo, sihmanhsehlaw a zungzal lununnak an hmu kho lai, Zohova Pathian nih amah fapa pakhat lawngte a pek tiang vawlei mi kha a dawt hna". Avoi hnihnak ah Dr. RG Johnson le Rev. David Van Bik le a hawile hna nih an hun leh than i Biakam Hlun le Biakam Thar he a hung si i a min ah "Lai Baibal Thiang" ti a si kum 1963 in an thawk. 1979 kum ah a chuak.
Tiddim holh in Baibal an `ial;
Tiddim ram ah Pathian thawngtha chim dingah a ra hmasa bikmi cu Dr. J.H Cope a si. 1920 kum ah a rian aa thawk. 1925 kum ah tiddim holh in Biakam Thar a leh i 1932 kum ah a dih. Cu Baibal Tiddim holh hmangmi hna nih an hman hnuah Tiddim Khrihfabu pawl zumhnak in 1967 kum ah Baikam Hlun chungin Salm an hun leh than. Kum 1977 ah Baibal cauk dih lak an `ial dih. Baikam Hlun cu an remh `han i 1982 kum ah an dih.
Falam holh in Baibal tialnak;
Falam ram ahcun Pathian thawngtha chimtu Mirang Siangbawi pakhat hmanh an ngeih ve lo caah Baibal ca leh i `ialpiaktu an ngei ve lo. Asinain Pa En Thawng zuamnak in Falam holh in Baibal Cathar a lehpiak hna i Baibal cu an ngei kho. Cu hunah Rev.E. Kyon Bil nih a leh `han. A hun bik ah Biakam Hlun le Biakam Thar cu a dihlak in Dr. Hre Kio nih a lehpiak hna.
