Chin
Christian Church, Malaysia “Crusade”
Speaker- Tluang Za Uk Group
Tusday; Zan-
Evan.H. Thomas Tial Uk
A hmasa bikah tuzan caan zongah a
thar tein caanttha a kan pe thantu kan Pathian a min thiang thangthat si ko
seh. Tuzan Pathian a thangthat tu vialte Pathian nih thluachuahnak in pe ko hna
seh.
Bible relnak- 2 Pet 2:15-16, Filipi 2:1.3, Salm 51:16-17
Sermon; Thawngtha Thlarau rawlei
cang hna u sih.
Bible kan rel bantukin Isarel mi hna
an profeh pakhat a sinmi Balam a nunnak kan zoh tikah a tuanbia dongnak zoh tikah a dawh lo ngai, Zei ruangah dah
Balam cu a tuanbia a dawh lo kan ti ahcun Pathian nih a thim hnawhchanmi le
Israel mi hna caah raltuk a zuam lo. Cu ruangah Balam cu a nunnak a tuanbia a
dawh lonak cu a si. Balam le Israel mi hna cu an rian nganbik ah Pathian nih a
chiahmi cu an raltuk rian hi a si. “Cu bang kannih zumtu vialte zong kan nunnak
ah Pathian nih Thlarau raltuk hi a kan fial vemi kan si” cu Pathian nih a kan
fialmi nun cu kan i nunpi a si ahcun Pathian nih Thlarau lei kan ral tei
khawhnak nun a kan pek lai.
Israel mi hna cu Pathian nih
raltuk rianngan bik a chiah piak hna bantukin Israel mi ralkap tampi hna cu an
raltuk ah an kal cuahmah lioah Pathian nih Isreal mi hna an caah profet caah
chiti a thuhmi pa Balam nih cun raltuk a zuam lo i an raltuk nak hmunah a kal
duh tawn lo caah Balam cu a nunnak tuanbia a dawhnak lo cu a si. “Cu bang kannih
zumtu zong Pathian nih Thlarau lei kan ral dohawk i a kan chiah piakmi nun hi
kan doh ve hna lo a si ahcun kan nunnak Thlarau hi a tuanbia a dawh ve lai lo” “Pathian nih nihin nangmah le keimah zumtu
kan nunnak ah Thiang Thlarau raldoh a kan fialmi cu kan minung nunnak ah a
nunmi sualnak tampi hna hi dohding kan si. Cucu ral cu Pathian nih doh i tei
dingah nihin zumtu kan nunnak ah a kan duh piakmi nun a si; Hihi nunnak hi
Pathian sinin a rami thluachuahnak nun a kan phortu a si” Hihi ral hi kan doh lo
i kan tei hna lo ahcun Pathian sinin a rami thluachuahnak hi kan cungah a tlung
kho lai lo. “Kannih zumtu cu Thlarau Israel thar kan si” Thlarau Israel thar mi
vialte nih cun Pathian thluachuahmi nunnak lam ah kal hna u sih.
Balam nih cun Israel raltuk kha a
huam lo caah le a kal duh lo caah a nih cu Balak lei tangah a cang, Balak lei i
a taan cu Israel mi hna chiatsertu dingah a cang ai. Cu tikah Balam cu Israel
mi hna chiatser awkah a kal i cu lio ahcun Pathian nih a mi hna cu chiatserter
a duh hna lo caah Balam cu Pathian van cungmi nih vainam kaphnih har in lampi
in a rak bawh ai. Balam nih cun Laa a cit i Laa cu a kal cuahmah lioah Balam
nih Vancung mi kha hmun loin Laa tu nih a hmuh tikah Laa cu kal ti lo in a dir;
zei ruangah dah a dir kan ti ahcun anih
cu hmutu a si caah a si. “Kannih zumtu zong nihin ah Pathian nih Thlarau mit
auh dingin le Thlarau leiin hmutu si dingah a kan duh piakmi a si” Hihi nun hi
kan thluachuahnak a si lai. “Nihin zumtu vialte nih kan nunnak ah Thlarau lei
hmutu kan nunnak ah dohtu tampi kan ngeih hna si ahcun Bawipa thangthat ko hna
u sih”
Kannih cu kan nunnak ah
Thluachuahnak cotu kan si khawh nakhnga ding caah dohtu si loin tuartu ingtu si
ko hna u sih. Dohtu nun ah thluachuah um
lo, inntuartu le toidor nunnak tu ah thluachuahnak a um. Balam nih cun Israel
mi hna chiatser awk i a kal lio ahcun Bawipa nih a mi hna chiatser cu a sian
hna lo caah Balam cu Bawipa vancung mi nih lam in a rak bawhmi kha Balam nih
hmu loin Laa tu nih a hmu, cuti Laa nih a hmuh tikah cun Laa cu a kal ngam ti
lo. Cu lioah Balam nih Laa cu a tuk zungzal nain Laa nih cun a kal duh lo. A
ruang cu Laa cu vancung mi hmutu a si caah a si. Balam nih Laa a tuk zungzal
nak cu hmutu a si lo caah a si. Cucaah tutu hi zeitik hmanhah hmutu an si bal
lo, tukmi le vawlei ah a bawkmi toidor nunnak a ngeimi hna le ingtuartu hna
lawng hi hmutu cu an si. “Cu bang kannih zumtu zong kan nunnak ah le kan
zumhnak ah le Thlarau leiah hin tuutu le dohtu soiseltu kan si ahcun Pathian
tinh piakmi nunnak hmutu kan si lo ti a fiang ko. Asinain zumhnak leiah le
Thlarau leiah minih dohmi le soiselmi le tukmi kan si i toidornak in ingtuartu
nun kan ngeih khawh i cutin kan nunnak kan tthanter a si ahcun kannih hmutu kan
si lai i hmutu nunnak le zumhnak nih cun a sunglawi tukmi Pathian sinin a rami
dawtnak le vel khamhnak le thluachuahnak kan cungah a tlung lai” Cucaah nihin
kannih zumtu thlarau mi vialte hna cu kan zumhnak ah le kan nunnak ah hin Balam
nih a citmi Laa bantukin zeitluk in tuk le dohmi si ko hmanh hna u sih, phertu
le cungthu Balam bantuk si loin tangah a bawk chin lengmang mi zumtu thlarau mi
si ko hna u sih. Phertu le dohtu le tuktu le cungthu hi zeitik hmanhah hmutu le
thluachuahmi an si bal lo. Toi ah a dor i tangah aa bawk chin lengmang mi hi
hmutu an si i thluachuahnak a ting cotu cu an si.
Toidor Nun Thluachuahnak Biathli;
Bawipa nih careltu vialte kan caah thluachuahnak kan pe piak ko seh.
Evan. H. Thomas Tial Uk
