Nihin chun i ka Hawipa Life insurance agent atu lio National Top Producer pa he bia kan iruah mi hi hawi nih theih piak pah ve zong ah a ttha ko rua ti ah ka ruah. Tidim lei kan unau pa Mr. Kim timi asi i Primerica Life Insurance ah atu hi a ttuan i National Level ah number one producer asi. Nikum le kum hmasa kha keimah pumpak biatak in insurance lei campaign ka rak tuah i mah lio ah khan national level top number one kum hnih chung dengmang ka rak dirpi ve. Atunai cu ruah lo pi ah kan vai ihmu i kan pawngkam i a um mi pohpoh an rak ra i "hi khuachia bomhmi hna hi hman rak ithlaak pi hna uh, an mah bantuk kan si khawh ve nak hnga an tthawnnak le an thil ti khawhnak hi laak khawh izuam hna usih.." ti ah an icapo pah hna. Mr. Kim nih hin hawi pa khat avan isawm i Kawlram lei in caan tawite arak tlawng mi asi, pastor si dawh asi. Bia tlawmpal kan van iruah hna i zeidang kan kal hlaan ah Saya Naga Kyaw Naing kong hi ruah lo pi ah kan hong phaan colh. Kan bia adong kho ti loh. Kawlram lei i arak ra mi kan unau pa nih hin Naga Kyaw Naing rumro hi arak i hruhpi ve i amui hrim hrim hmuh ka duh tuk, hipa bia lawnglawng hi kei cu ka ruah mi asi ko cang, atu Kawlram lei i ka va tlun tik zong ah Saya Naga Kyaw Naing cawnpiaknak hi MP3 in ttha te in kai ken lai i mah hi hi kei i ka tlun zoh ttha bik cu asi cang ko lai ati. Life insurance hi Laimi ca ah hin a rak ttha khun ti awk in a um, zei ruang ah ti ah kan nih cu Khrihfabu ah kan ibu dih hna i hawi lung azawngmi le thilsining atheimi nih cun fawi te in kan ituah colh tik ah Agent ca ah lam fawi te in ai hong cia i cu ruang ah Top producer zong fawi te in kan hmuh khawh tawnnak hi asi. Angai ngai ti ah cun a har taktak mi khi asi. Atu ning te i akal ah un Mr. Kim nih hin 50,000 $ man asi mi suimilaam le Diamond Ring 100,000 $ man zong a hmuh colh khawh te men. Mi ramdang ah Laimi kan men lo kan ti khawh nak lam pakhat asi.
Ka hawipa nih aka hal mi cu.." nang Life Insurance na zuar pah Bawizisuh le ara dengmang cang ti asi fawn zeitindah na chim " a van ka ti i..!!!
" Hi hi cu a simple tuk mi khi asi ko, atu hika room in ka chuah lai ah hin zoh dawh lo thil pakhat hmanh kal taak ka duh lo, ttha te in thil kan fim ta lo ah cun hmunhma pakhat hi mifim nih cun an chuah taak bal loh, cubantuk cun atulio America cu theih cio bang Leiba angei lomi ho hmanh kan um loh, kan Leiba pi he Bawizisuh sin i hei kal i a tangmi nih leiba an van kan cawh ding mi khi logical asi lo, cu caah leiba cham nak tal cu Life insurance hi an ituah hrim hrim ahau, hi hmanh a hngal lo mi cu mihruut taktak an si ko lai..." ka ti i ""' Ha ha ha... na chim ning cu ka uar bak ha ha ha.....ka va ti ve cang hna lai.." aka ti.
"Angai te chim ah cun aw.. fa hna ngeih ve ko ttung i Life insurance hna ituah lo hi cu piat te i chim ko ah cun fa le chiatserh hna pei a lawh cu, zoh hmanh!!! nai hrawng Laimi kan van tampah cang i athi lo mi tete zong kan van um cang hna, insurance ngei lo i fa le roh taak mi kong hi ahal hmanh kan ihal ngam ti ttung lo! Nulepa nih Insurance kan ituah lo ah cun fa le nih cun zei cu dah an theih rua hnga, mah le ttuan vo laak asimi kan tolh mi lak ah a faak bik mi cu fa ngei mi nulepa nih Life Insurance an ituah lo hi asi ti hi family education nih cun fiang te in achim "
Mr. Kim nih ai thawh i.. "kei cu Life insurance hi an ituah i tlawmpal ah cancel kan duh tthan an ka ti lengmang i ka caan vialte apaam tuk cang fawn i zei tin dah mah hi hi nang na ruah.." aka ti i...
"Khrihfabu i an upa lungfim deuh mi khi ttha te in chim ta hna, asi lo ah cun Pastor zong chim cah ta ko hna, apoi ngai mi cu community pakhat i anih timi Insurance tuah lo huaha i a um mi an um tawn i cu bantuk nih cun mi tamtuk an hrawh hna, mi kha forh lei si lo in daithlaan lei in an cawn piak tik hna ah fale zei thei lo ca i aluang te hnga ding mi capical pipi cu an lo dih cang ko, cu caah hi bantuk khua aruat kho sasai lo mi upa pawl hi ral rin thiam ngai ngai an hau. .. angai te ti ah cun minung pakhat nih a chanchung i a peek mi insurance premium hi fonh dih usih law kan hmuh ding mi i 1/10 cheuhra cheukhat hmanh asi ttung lo, cucu pei asi ko cu.. Insurance timi hi Law of Large number timi principle in tuah mi asi i minung pakhat te te i tuah ah cun insurance company hi asung tuk ding khi an si. Asinain minung kan thih ning statistic ttha te i an zoh chih tik ah minung tingkhat ah kum khat ah pakhat hna athi tibantuk khi asi i cu tik ah company nih cun fawi tuk in apeek khawh ve cang hna, cu caah Win Win Situation an timi phun khin Life insurance kan tuah tik ah atuah tu leikap zong ah ceilak hlawknak a um, company zong nih an rak ihlawkpi ve i cozah zong arak ihlawk ve. Ram pakhat khua pakhat community pakhat nih Life insurance ttha te i an ituah ah cun cu bantuk cu a tthangchomi an si ti in record colh an si i Life insurance atuah lomi community cu hawi lung acan rih lomi an si ti khin cozah hrim hrim nih Label abenh ko hna, an itheih lo le pei asi ..."
"Nang zei tin dah presentation na tuah" aka ti rih i..
" Kei cu Social Education hi master ka laak nak zong asi chih tik ah kan miphun hawi nih zaraan khuatual sining an theih ve i tlum tla te i an um ding mi hi aherh tuk in ka hmuh tikah
Social Security TAX
Federal TAX
State TAX
Bank ..Checking, Saving, CD, Money market, Bond, Mutual Fund, Stock
College Saving
IRA , 401 K
tibantuk hi family pakhat nih mah thopawveng tal an theih khawhnak hnga ding hi ka cawnpiak chih dih hna, i cu lawng cu asi loh..
Life insurance cu vulei kan nunchung caantawite ca lawng asi i cunak i abiapi deuhmi Eternal Life ca i insurance ngeih hi a herh tuk rihmi asi caah caan a um chung poh cu hi kong hi ka chim cang ko. Website te zong ka tuah, Crusade zong kan tuah chih pah i a tthat nak bik cu Matthew 18:18 i kan hmuh bantuk khin vulei insurance tuahnak in an onh lo mi Sahdah le kuak le Zu te hna khi vaan zong ah onh an rak si lo tik ah atu hi mi tam nawn nih an nunzia dawhcah lo kankal taak cang ti in tehte an khan cang caah cu ko nih cun ka lung aka lomh ter. life insurance ka tuah mi nak in Thlarau lei insurance ka tuah mi hi amiak a tam deuh tuk ti khi kei nih cun ka theih caah kai lawm khun..."
Kan pawngkam i a tthu ve mi Pastor pa cu mah bia ka chim atheih cun a lu avan tun tthan i ' Crusade maw na tuah chih pah?" avan ka ti.
Kei nih ' aw... nai te hna cu Texas ah Online Crusade kan tuah i kan fanu Aching timi akut i ca ai ttial lengmang mi he khan kan si i kal kan ithawh bak in ca cu ai ttial lengmang i kan rak tlun lei airport kan phanh deuh hlaan tiang, cu ruang cun online Crusade ti zong ah kan ti phah, ca ai ttial mi na zoh duh ah cun hika website ah hin rak zoh tawn law a thar a um zong ah ka rak taar lengmang tthan te ko lai" ka ti i..
" aw... mah kha kha ahman mi asi ko tih! ka rak theih ve i hmuh ka duh tuk mi asi, a a.. tu chun kan iton cu kai ruah lo ning in thil ttha tampi nan chim mi ka theih i kai lawm tuk, website na tuah mi hrim hrim hi kawlram in zoh khawh asi ko hnga lo maw! ka va chimh hna lai i an ilawm tuk lai, atu lio ah cun minung nih hin hi bantuk zumhnak lei thil lawnglawng hi biapi ah an chiah cang i an ilawm tuk cio ko lai, kai lawm tuk....'
Kei ve zong nih cun.". Kai lawm tuk ve..atu bantuk i zumhnak ai khat mi hna bia kan iruah ah hin cun zeidang lei sipuazi le adangdang ah hin kal khawh asi bak lo, Pathian kong ah hin kan rak kir tthan lengmang ko..Caan zong hi anai tak tak cang, hlaan deuh i an zumh ning i ani an tuk bantuk kha asi ti lo atu cu ahmuh hrim hrim i an hmuh, an theih mi an chim mi khi an si i cu caah timhlamhnak thuam tling he nun a hau cang ko, hi ti kan ti tik ah caan anai cang ti i siang inn kai tlolh, rian ttuan tlolh le vulei lei ttuanvo tthi ttha i tuah lo si lo in vulei i kan ttavuan khi atunak hin tlamtlin ter deuh ding hmanh khi asi, tuan deuh ka chim bantuk khan, khual kan tlawn i kan tlun lai ah kan kal taak mi ah thil dawhcah lo a um sual lai ti phang ngai i ral ring te i kan tawlrel dih bantuk khin vulei i kan caan a taangmi hi dawhcah te in siarem te in zochia ding um lo te in kal taak te ding khi atu kan caan le kan chan nih akan fial chihmi cu asi cang ko ".. ti in
Life insurance angei rih lomi nan si ah cun ituah ulaw Tharau lei insurance zong ingeih chih rih fawn uh, abiapi tuk mi lak ah number one ah ai tel ve mi an si caah asi. Life insurance cu na dawt taktak mi hna ca i na tuah mi asi i Thlarau lei insurance cu nangmah nai dawt taktak ruang i na tuah mi asi.
Nang aho dah na dawt deuh?
