Rev. Dr. Gordon Za Thio cu CCF nih Thlarau thazaang petu ding ah cah/sawm a si tiah thawng kan theih.
Cu bantukin Jalan Imbi Chapel Biakinn (CCF pumhnak) ah December 12-15 ting Pathian lam hruainak thawngin Baibal cawnnak caan 2:00pm - 4:00pm Thlarau thazaang lak ttinak caan ngeih a si tiah aa cawnpiaknak chungah ah a kai ve mi minung pakhat nih a chim. Hi cawnpiaknak ah aa tel kho mi hi minung 50 hrawng kan si lai tiah a chim chap. Zaan pumhnaktu hi cu Chapel Biakinn (CCF pumhnak) ah Zarhpini zan le nikhatni zaan tiang Chapel ah i pumh a si i Nihnih ni zaan in Maluri um Bual Christian Fellowship Biakinn ah Nithum ni zaan ting pumhnak kan ngei kho tiah a chim chap. Rev. Dr. Gordon Za Thio hi caan tampi a ngeih lo pinah CCF hmun sarih ah kal dihding a si caah Nili ni zaan in sang dang ah Thlarau thazaang lak tti ding in a kal tiah a chim chap. Hma nungbik ah a chimmi cu Malaysia CCF kan Senior Pastor a um lo kar ah hi bantukin Thlarau thazaang pe ding in a rian tampi kal tak in a rak kan tlawngmi Rev. Dr. Gordon Za Thio cungah hin lunglawmhnak tampi ka ngei i Pathian min Thiang zong ka thangtthat keimah zong Thlarau thazaang tampi ka la kho ve i cucaah kan hruaitu a simi hna an cung zong ah lunglawmnak tampi ka ngei tiah a chim. Rev. Dr. Gordon Za Thio Malaysia a um chung ah a lam a tluan khawhnak hnga thlacamnak in bawn cio hna usih tiah Bawi Khrih min in kan ni sawmhna.
