We three kings of Orient are
Bearing gifts we traverse afar,
Field and fountain, moor and mountain,
Following yonder star.
Zei ruangah dah hi mifim pathum nih hi tluk a harmi khuallam zulh in khual an tlawn?
A tung saang ngaimi mifim (astronomer), Persia siangpahraang ruahnak petu cu khu le phak in zanttim hnu khin inn car lei ah a hung tli. «Casper, ra zok! Zoh hmanh khih Juda ram cung van khi zoh hmanh.» tiah Casper cu a chimh. Casper cu a mit-ek hnuai pah in vandum lei cu a hei zoh. «Casper na hmu maw? Khuaruahhar arfi thar pakhat khi! Mah hi cu Siangpahrang lianngan a chuak ding um i a si lai.» a von ti. Arfi hna lakah ceu khun in a langmi arfi cu, Casper nih a hmuh, «A si tak hi teh!» a von ti. Cun a von nolh. Hebrew ca ka relmi ah hi arfi kong hi a chim cang. (1) I thawh sih, «Kan kal i hi hngakchia hi ka va zoh hrimhrim hau.» an ti. Meng 1200 leng chung, Persia, Babylon le Syria tan pah in an khuallam cu an thawk. Tiva lianpipi an tan, khuapi tampi an pal pah, theserawn zong an culpah i thla thum chung ni khat hnu ni khat, arfi note cu an zul. Judia ram, khuasik caan zanlei sang ah khin Jerusalem cu an hung phan, «Khawidah si, Judas siangpahraang a chuak-kami naute cu? Ni chuah lei in a Arfi kan hmuh i amah biak-awk ah kan ra. (2) An Biak. Atu cu an ba ngai cang nain din lo in, Arfi ceudawh Bethlehem cawrawl einak kuang a phak tiang an zulh. Innpa le tuukhal nih, cu a rum i a fimmi pathum cawlrawl einak kuang lei an kal cu khuaruah har ngai in an zoh ve hna. Joseph nih meiphu tih ding thing a luhpah, innka hram ah a ton hna. «Hngakchia pa, Siangpahraang ton awk ah kan ra.» an ti i mifim pathum cu hngakchiapa hmai ah an kun, siangpahraang ton tawn ning in an ton i hgakchiapa cu an thangtthat. Lenglei i an kalauh le sattil a rak vengtu an mitthi le lalaang pawl nih laksawng an hun luhpi. Mansung, lungvar, frankincense le myrrah ziihmui he a khatmi kuang cu an von on. Hngakchia, bawhkeuh te a kut par an von tongh cio hnu ah sau ngai an von zoh. Cun, khua lei kir ding in an von dir hna. A dai i khua a sih ngai lio caan fingrei a cah zawn ah khin, zilthli kik he an kalauh karong thawng zong khing a riangmaang ve. Kan nih zong Christmas caan ah khual kan tlawng, chungkhat le hawikom kan tlawng hna. Khua kan hlam. Mifim pathum hna bantuk in, kan khuallam ah a biapibikmi cu kan lungthin dih lakin Jesus ton ve hi a si. ##
Christmas tuanbia cauk chung in lehmi.
