7/Mary:
Mary nun ah zumtu pahnih hmuh khawh asi.
(1) Biakam hlun: Tuahsernak in pathian hmai ah mitling si zuamnak. Minung a hlawhcham. Pathian zong minung ah a hlawh a cham. Taksa, thinlung, thlarau Pathian sinah tuahnak in pek asi. Setan nih amah nuna hromhmi minung (nuncawh) nih a tuah kho hrimhrim lo. Atuah tu cu A chungmi nung setan asi caah a fail lengmang ko. Cu caah hi Pathian biaknak le peknak cu Pathian nih a hnawl. A cohlang lo. Setan mualphonak langhternak tu asi.
(2). Biakam thar: Zumtu chungah a nunmi Krih zumh(rinhnak) thawng in Krih ah Pathian nih mitling ah a kan pawm. Zaangfahnak in khamhnak ah: Mary nih Bawipa a thiam ruang, a thinlung, pumsa thlarau a pek ruangah Jesuh a pawi si loin Pathian nih Krih ah a thimmi asi zia hngalhter: Cu nunnak Krih cu a chungah a nun hnu ah, Nawlbia thihnak, sunghnak, ningzah mualphonak vialte a in dingmi kha a chungah anungmi Krih le acung ah amah huphengtu Thlarau thiang hlim nih tei piaknak thawng in Bawipa khamhnak chungah a luhnak nun asi. Cucu nangmah le keimah nun asi ve. Mary nun chungah um ding in Bawipa nih Mary nuna thlen hlan ah Amah Bawipa aa thleng hmasa. Cu nunnak cu Mary chungah a um tikah Maray sining pi cu chungleng leh bantuk in aa thleng ve.
- Kei cu bawipa salnu ka si ko. Na chim bang cun si ko she� Luke1:38
- Ka nunnak nih Bawipa a thang that.
- Ka thlarau ka Khamhtu chungah a lawm I
- Hitluk in asalnu mi nauta ka si ko nain ka cungah thil lian ngan a tuah�. Luke 1;46-48.
Midang caah damnak petu kha Aca damnak aum lo(?). Pathian le minung an iton ah hin (asi loah) Pathian nih minung a kawl ah hin minung lawng hi hlah maw a thlen kan ti tawn. Krih vulei I a rat ah hin kanmah misual lawng hi hlah maw a kan thlen dih lai kan ti lio ah Amah tu khi khuaruahhar maksak in asining aa thleng. Sermi ruangah sertu nih a nunthlen piakmi hi lei le van ah anum rih lo. Ka sermi tlak mawnu zawnruah ah tlak mawnu ah thleng duh hrimhrim lai lo. Van ah asi ning a ngan ning, a thuhning le asan ningggggg: cu dinhmun in minung zawn ruah ah vancung I asining vialte aa thlening afahning, a thuh ning le asan ning hi minung holh in fiang tein chim khawh asi lo. Cu aa thlenning amak ning thlarau in minung a hmuhter cang ahcun chung tha a ther. Ruh le thlek zong hin a hlenh dih, mithli a tla. Khuaruahhar asimi tucu zeitluk chia le niam hmanh in ra selaw Amah ahmutu mizei hmanh an tang kho lo. Bawipa hmai ahcun maicam ah khanghmi sathau bang an minung sinak thinlung hak a ziamral dih tawn. Cu sual ngeihthiamnak, khamhnak nun thlakthleng ahcun zumtu nih ngeihthiam hal ding a ngei tilo. Lomhnak tu duhning ina chim kho lei lo. Zing nichuak a cercin khi na zoh bal ve dik maw. Minung mit nih a tuar lo araa dih. Cu ceunak cu minmei var phen in zoh hmanh ah a cerh tuk i mit araa i cikhat chung thil hmuh a fiang tawn lo. Vulei minung le nungca thingram caah a sermi ceunak hmanh minung thisa nih saupi a dirh onh kho lo. Cunak in let tampi ina nganmi Lei le Vancung Siangpahrang, Bawi zik, chunzan in a thiang a thiang tiah an thatthatmi Bawi cu asinak vialte cu a hlih ta I, asermi minung, nauta Mary paw chungah a vun isem I, thlakua a um. Mary nun kha Thiang Thlarau thawnnak nih a hup pheng hlah selaw a thihpi hial hnga. Nika ina rami Ozone ultra violet ray nih cun vun cancer a chuahter khawh. A thawntuk caah kan vu nut lak in a kangh. Thisen zung a hrawh. Sizung ah x/ray na kal ahcun na hngalh lai. Naupawi mi caah ralrinnak a hLei in an tuah. Minung nih kan ser chommi electric zong hi light ray an ngei dih I, kan thisen zungzam a hrawh khawh tawn. Nau zong a chiatter khawh. Ram thangcho ahcun operation tuah tikah taksa ahnak caah nam an hmang tilo. Layser ray an hman. X.ray le layser zungceunak in alet tampi a cak I thisen zungzam le ruhchuak tuah, thlek le thlok zong a thenkho dih tu Bawipa hmai ahcun Johan zong thidaang in a tlu. “A ka chawntu cu ahodah a si hnga tiah ka hun i mer i cuka ah cun sui mei vannak pasarih ka hmuh hna. 13Cu mei vannak hna lakah cun minung a lomi pakhat a dir i a kemit phiak in angki fual aa hruk i a á¹ang ah sui taisawm pakhat aa sawmh. 1:13: Dan 7:13; 10:5 14 A sam cu tuuhmul bantuk a si i hawhra bantukin a rang i a mit cu mei bantukin a alh; 1:14-15: Dan 7:9; 10:6 15a ke cu somei chungah an tit i tleu tein an hnormi dar bantukin a tleu i a aw cu tisor nganpi thawng bantuk a si. 1:15: Eze 1:24; 43:2 16A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu. 17Amah cu ka hmuh tikah mithi bantukin a ke hramah ka tluâ€�(Biathlam.1.12-17). “Cun vancung ah cun bawiá¹hutdan pakhat a ummi a cungah cun mi pakhat a á¹hut kha ka hmuh .4:2-3: Eze 1:26-28; 10:1 3A hmai cu jasper lungvar le karnelian lungvar bantukin a tleu i bawiá¹hutdan velchum ah cun emeral lungvar mui a kengmi chuncha kha, aa zel. 4Bawiá¹hutdan cu a velchum in bawiá¹hutdan dang kul le pali nih an kulh i cu bawiá¹hutdan hna cungah cun, puan rang aa aih i sui luchin aa chinhmi upa kul le pali an á¹hu. 5Bawiá¹hutdan cun nimtlau aa lek i khuari thawng kha a thang. Bawiá¹hutdan hmaiah cun meifar vanmi pasarih an um i cu hna cu Pathian thlarau pasarih kha an si. Exo 19.16; Biat 8.5; 11.19; 16.18; Eze 1.13; Biat 1.4; 4:5: Zek 4:2 6Bawiá¹hutdan hmaiah cun thlalang fim bantuk a simi rili a um. Bawiá¹hutdan cu a hnulei, a hmailei le a sirlei veve in saramnung pali nih an kulh i cu saram hna cu hmailei he hnulei he mit in an khat. 4:6-7: Eze 1:22, 5-10; 10:14 7Saram nung pakhatnak cu chiandeih he an i lo, pahnihnak cu cawfa he an i lo, pathumnak cu a hmai minung hmai bantuk a si, palinak cu a zuang liomi mupi bantuk a si. 8Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i:
· “A thiang, a thiang, a thiang,
· Lianngan Bik Bawipa Pathian cu,
· Amah cu a um cangmi le
· a um liomi le, a um laimi a si,� an ti. (Biathlam.4:2-8)
Cu Bawipa thiamthiam, cu Bawi thutdan cung ah Isaiah nih a hmuh tikah minung men hi a hmai ah zeihmanh kan si lo zia a hmuh I ka lo ko cang ati kha. A pawng I vanmi zong nih direct in an zoh ngam lo I, an thla pahnih in an hmai an huh. Athawnnak le liangnannak huham cu chunzan in a sinah aummi zong nih an tih I a hmai ah an khur. Cu Bawipa cu Bethlehem caw in, caw-ek, cawzun, thopaw le hmaisem nih a hngahmi caw inn ah, a chuahnak ding timtuah piaktu hmanh a ngeilo. A caah ihnak umchun cu caw rawl peknak caw kuang asi.. Hlan lio Palestine thal khualum le khuasik cu very extreme asi. A lum cang ahcun lukheng kak. A kih cang ahcun ruh zong a ro viar hlah maw ti awk in a kik ti asi. Tuchan bantuk in Lectric meiceu aum lo. A.c a um lo. Heat system aum ve lo. Thilpuan phunphun sernak industry aum lo. An thiam tawk in tuhmul, saphaw le la hmang in fenh-aihkut in an thit. Caw inn ah asining le vancung ah asi ning ci lei le van bantuk in aa dang. “1Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiá¹hutdan cungah khan a á¹hu i a puan cu biakinn kha a khat. 6:1: 2Sia 15:7; 2Cha 26:23 2A velchum ah cun mei bantuk a simi thilnung kha an dir i thla paruk cio an ngei. Cu thilnung hna nih cun an hmai kha an thla pahnih cun an i huh cio, an pum kha a dang pahnih in an i huh i a dang pahnih cu zuannak ah an hman hna. 3Pakhat le pakhat kha an i chawn i,
- o “A thiang, a thiang, a thiang,
- o Ralkapbu Bawipa cu a thiang!
- o Vawlei cung vialte hi a sunparnak
- o in a khat dih,� an ti. *6:3: Biat 4:8
4An aw nih cun biakinn cu a hram in a hninh i biakinn cu meikhu in a khat. 6:4: Biat 15:8
5Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,� ka ti(Isaiah.6:1-5)
Cu lawng asi rih lo. Bawi vialte Bawi, siangpahrang vialte Saingparang, Sunparnak, Dawh phuntling le rumra he, Siangpahrang luchin, le nawl ngeihnak sangbik angeimi Lei le van ah Biaceitu kha, Herod ruangah Bethlehem ah a tlatlum lo. Bawhte asi lio in fing le tlangkip an cul pi. Hngalh lo ram ah dapcawp in an nunpi. Kan Bawipa kha Izipt ram ah refugee asi ve kan hei ti i salam in kanmah cu kan ka kau ngang in kan hei chim. Kan ifiang ciah maw aih?. Ruahmi zong kan ngeilo. Amah zong kan hngal fawn lo. A duh zong kan duh fawn lo. Zu le sa hna in kan dawn salam. Kedan sang le thil thuam tha hna in kan dawn salam. Cort tlor zuam le nectie sau zur he kan don salam. Kan Lexus le Mercidis tleu zur ah hin Bawipa a thu ngam lo. Athu kho fawn lo. Athu manh fawn lo. Kan ei duh zawng rawl thaw, kan duh zawng lomhnak le social, kan ngeih duh zawng phungbia le sermon, he sang emem in kan don I keimah lungchung ah rung um tuah kan ti. Bawipa a ning a zak. Anih cu niamtuk, sifak tuk, berh timte tein a ra I kan sin um a ning a zak. Kanmah pawl sin umnak cun Kutdongh le tudawngsa pawl sin um a nuam a ti deuh. Setan nih thawng chungah a hrenmi thlarau thinghmui, phar, damlo, micaw, kebai, thichuak, hlawh hlang , mithi pawl, hell hnompung ah khangh ding an tamtuk le cu hna chuah ding ahcun minute khat le secand khat zong nuam tein a um manh lo. Unau…hello, Zion fanu na mit a fim maw? Vulei kan sinak, rumnak, degree, sannak, Bawinak, minthannak, status, tangka, laarnak…… kan Bawipa hmai kan chuan khumh rih lai maw?. A zoh manh a duh loh. Cu vialte nak tam van ah a ngei. Cu vialte hna hrampi asi. Nangmah le keimah ruah ah a chiahta. A duh tik poh ah a duh can poh ah a ngeih dihmi asi. Cucu vulei ah a rat hnawhmi asi lo. Anih caah cun a har a nuam ti chim manh loin sualnak ral doh asi. Bethlehem in, mizei mirum inn le mifim pa sin hmanh ah a tang lo. Kalvary lei ah ding tomo teina kal. Cuka lampi ahcun sualnak sal tang pawl a chuah thluahmah hna I nunnak ram ah aluhpi dih hna. Sangtuk in don kan timh lio ah anih cu a ngeihchiatnak vansang a lam. Sual setan nih thong ah sal aa hrenmi hna a fale tel loin Khi a sunparnak ibelh a nuam a ti kho lo. Kan nih cu nunnak hrampi chungah ka um cang maw tinak inn X’mas tuanbia luklak chui ah kan can a dih Bawipa hal loin vulei cung cauk kip kan khomh. Krihfa thlacam tuah. Bawipa cu cauk chungah a umlo. Nangmah ah khan a um. Chon law an chonh ve lai. Hal law an pek lai. Elijah a zamnak Moreh tlang ah Li a hnin dulmal nain Bawipa cu lihin ah aum lo. Mei kang le mei alh a chuak nain Bawipa cu mei chungah a um lo. Aw nemte, zilthli aw nem tein a ra. Vulei lengphaw ari lauimai mi ah Bawipa a um lo. Na chung ril a thuhnak bik na thlarau ah khan a um. Cucu chon law Bia. Van ah khin hei chonh hlah. A sang tuk. Kanmah le vanthumnak kar lak - vanhnihnak ah setan ram a um I, kan taksa aw nih a a hlen kho lo. Cu ruangah Amah a ra I kan chungah a kan umpi. (Placebo, by Baptist pastor larnak) internet ah ngaih khawh asi. Izipt ram in arak kir I A nu le pa khua zong ah um kho hlah. Chungkhat sahlawh umlonak Galily an panh than. Cuka zong ahcun a rawk kho lomi nunnak chang le Eden ah thing tha bik nunnak rawl Bawipa cu a pa Joseph hruainak tang ah chungkhar ei a kawlpi. Apa Pathian rian a tuan hnu ah A chuahpi ule nau hmanh nih an zum lo bantuk. Ami phun sinah khuaruahhar thil a tuah can ah Biakam hlun Biaknak hruaitu pawl nih khuachia le Belzabul thlarau a ngeimi pa an ti. Vancung ah zungzal Biaceitu bawipa cu thi ding ah bia an ceih I vailam ah an khenh. Kan sualnak le tlakchiatnak nih hi tluk tiang in a nun a hngawngmi le asi ning a thlakthlenmi na hmu bal va cang hna maw?. “9Ka zoh ko lioah khan bawi á¹hutdan hna cu an hun hun hna i zungzal in a nungmi cu á¹hutdan cungah khan a hung á¹hu. A puan cu hawhra bantukin a rang i a sam cu tuuhmul thiang bik bantukin a thiang. A bawiá¹hutdan cu meizik lengkekual cungah hun a si i meizik kha an chuak i a á¹hutdan cu meialh nih a tuam. 7:9: Biat 20:4; 1:14 10A rianá¹uantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna. 7:10: Biat 5:11; 20:12.
13Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir. Mat 24.30; 26.64; Mar 13.26; 14.62; Luk 21.27; Biat 7:13: 1:7, 13; 14:14 14Bawinak le sunparnak le siangpahrang á¹hawnnak kha amah cu pek an si i cucaah miphun zakip le holh phun zakip nih a rian kha an á¹uan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang á¹hawnnak a ngeihmi cu zeitikhmanh i hrawh khawh lomi á¹hawnnak a si.(Daniel.7:9-10, 13-14). A caah zeihmanh a thahnem lomi minung zawnruah ruangah I hiti ko in aa thlengmi Bawipa hi na chungah ah a nun I na chungril an fenh ve ngai ahcun na thu kho menmen hrimhrim lai lo. A ngah lo. Minung pangai dinhmun nak niam in ara lai nain hmuh khawh lomi Pathian asinak a ceunak zung le layser ray nih na thlarau a tongh cangah cun thlarau nih a celh lo. Athang bak ko. Lazurus a thawh bantuk kha asi. Lazarus nih Bawipa kha a thinlun,g taksa, thlarau a pek lo. Hmasa ruangah thihnak ina thawhter lo. Mithi nih cuna thih le a nun zong a hngal lo. Nangmah le keimah hman thlak asi. Krih nih tho tiah a auh I mithi nih a Bawipa aw a theih ia thawhthannak ah asi deuh. Kan nih cu tangka tlau bantuk, Tuu tlau bantuk kan si. Khoika dah kan um, khoika in dah kan tlau, cerh lak ah maw ka tlak, vok ek lak ah dah ka bualh zong kan hngalo lo. Pathian nih Krih ah akan kawl hnu ceo ah man kan ngei ve menmen. Maray nih a thinlung, nunnak thlarau a pek hmasa ruangah Jesuh a pawi lo. Bawipa nih a thimnak le vohbik si ding in a zaangfahnak ah asi. Na thinlung, pumsa, thlarau Setan nun(Hybid) kha Pathian cu va pe va pe hmanh law a duh lo. Eden in a thawlmi asi. Thah ding asi. Biakam hlun bi ain kan chim ahcun “Maicam ah a khanghta cikcek lo ahcun ngeithiam a tim naisai lo. Vuitampi thah lengmang awk a that lo caah saram tu kumtin a thahnak asi. Biakam thar ah Krih ah Calvary ah a sam ta cikcek I thlan ah a vui hnu ah Krih thawhthannak ah khan mither, nunthar cu an pek. Keimah lungchung ah rung umtuah kan ti ah hin samta cikcek cu kan I phal ciah maw cu…., Ka chungah na um cang caah ka lawm tiin thangthat ding tu asi. Cu nun nih a hrawh khawh lomi Amah fapa Krih thihnak le thawhthannak thlarau an pek I na chuah hlan in Bethlehem le Kalvary in thawhthannak ah an thim cangnak ah khan, Maray bantuk in kei cu na sal ka si ko. Na duh bantuk in asi ti law, na chungnaute a cawl lai. Amah thlarau nih cun gin an humzual lai. Na pumsa minung zuamnak a dih lai I Krih cu Bawipa chungah na thlarau hla a saktertu asi lai. Hi Mary thluachuah hi na pom h khawh lo asi ahcun thlarau thluachuah na sungh rualrual in vulei thluachuah zong an sung lai. Pathian hi Amah theory tea um. Amah lam te a um. Sehtan nih minung hmang in Pathian a doh lio ah Krih nih Amah pumsa hmang in Setan a kan doh piak. Marau zong cu thawnnak a chungah a um tik ah a nun aa thleng ve. Cu thawnnak hmang cun anung, a cawlcang I thinlung le pumsa zong nih ka duh lo ati kho menmen tilo. Cu thlennak cu hnekchom khawh asi lo. Samzai tia zong palh lo ding in na tanlennak ah asi lo. Na thiantuk ruangah le na tlintuk ruangah an um hnawh hlei lai lo. Na chuah hlan le kachuah hlan I arak tuah cangmi kha kan chuah ve niin Bawipa nih kan chungah a chiah. Kan tlin ruangah siloin kan bawrsoptuk ruangah atlingmi a kan pek. Na dam lo tuk ruangah adammi Krih kha na damnak caah na chungah Krih nih a chiah. Cancer, thisen sang, zunthlum, dam lonak phunphun, thinlung sifahnak …..zei zawtnak dah na ngeih. Bawipa sinah damnak hal lengmang hlah. Na chungah aummi zeihmanh mih a zawter khawh lomi kha tanh, thangthat law, na nun an that cuahmah tu biakam hlun zawtnak chiava pawl kha a chem dih hna lai. Van lawng ah dam le lomh itim hlah. Vulei hmanh ah cu Bawipa cu na lomhnak ah nah man khawh lo achun vancung zong ah na hmang kho hlei lai lo. Vulei I har ngang, sifah ngang I vancung lawng ngeih. BIA cu na pawng te ah aum ko. NA chung, ka kaa, na mit le na hnaa ah aum ko tiah Moses nih Israel mi a chimh hna. Na damnak cu na chung ah aum. Na sifah mualphonak hlonh piak ding in mirum Jesuh kha na chungah aum cang. Midang sinah tlumtla kholo in an khamtu na uahzumhnak le ruamkainak vialte khangh piak awk ah lungnem nuntha ruam kai kho ve lomi, a uah bal ve lomi Krih kha na chung minung siding in a chiah. Cucu Asi tak ee ti na fian ni ah na mithmai a dawh lai. Iang a ngei lai. Midang caah na thlum lai. Thlarau in khah itimh chom, tuah chom, ti chom hnu ah Krih arak lut bal lo. Zeitluk mihrut langak asi z\ong ah, a rocar mi thiangthunh asi zongah, a dawh lobik darrul asi ah, a hmur le a hnar a beu cangmi thinghmui asi ah Krih a luh ciah in nunnak ngei in an tho dih I khuaruahhar in a thawnnak a lang dih. Chinmi unau Pathian na zumhning hi zoh than tuah. Van thluachuah lawng na ruah channak ah na vulei nuna car thlu cang lai hih. Van lei a hninhno ahcun pumsa zong a cawm, thluachuahh innka a hun; teinak ah a hruai. Cu bantuk in thildang kan chim cia zong ah khan Amah lengmang a langh tikah Hi pumsa titsa thinlung Setan uknak a dih I vulei ah hin vanram cu kan tem tawn cu the. Nang cu na tlinlonak lawnglawng, na harsatnak le derthawmnak lawnglawng na hmuh khawh I Krih zoh hrimhrim na duh lo. Na lu na khun peng I na mit na chinh peng hrat ah zeitin hme na hmuh/na dam hnga. Letpaih rumro le khongurth in na dir peng hrat ah zeitin hme na thisen zungzam zong a kal khawh lai. Circulation(thisen chokvak) a herhnak cu a thar lengmang in kan pumsa ser kan sinak ding ah pei kan cell hna nih an rak herh cu. Aw…. vulei ah hin Chinmi Krihfa sining hi dah a harbik ko rua ka ti. Thluachuah hawn dank an thiam lo. A hawng cia zong kan khar rih. Nitlak ramah khuasik a chuah cun thing hnah an til tawn. Zeiruang dah an tilh ti cun, khuasik nih an chung I glucose a hmeh I a khal ruangah an thi(thingkung nunnak) a kal kho lo. Cu ruangah a hrintertu hna Vitamin D a cawlcangh lo rualrual in zawngdang(sen, cica, eng, le dum) an rak chuak tawn. NA chungah Setan nun cawh kha Krih nih kal kho loin a khalter tikah nangmah ah Amah dawhnak a chuak. Na nun cu paradise nun dawhbik ah a ser. Vulei thil zong pakhat le khat an iton tikah sining a thleng tawn. Science zong nih Tette a piah. Chemical reaction(dahpiuh)nak a um. Nu le pa zong umti tikah duhnak, nuva, chungkhar tiin thlennak a um. Krih nih minung a vun panh I a fonh tikah kanmahnak in Amah ah thlennak ngannnnnnpi a um hma bantuk in a fonhmi zong kan ithleng ve. Pumkhat kan sinak zawng dawhdawh an chuak. Mirum pa ka neih ruangah ka sifahnak a lo I ka pasal ta cu ka ta asi tikah mining sifak hmuh in an ka hmu tilo. Mirum nupi tiin hngalh ka si. “Mipa nih a nu le pa kha a kaltak hna lai I anupi kha a belh laiâ€� ti hi Amah ah a tling taktak. Neihchun asinak le a nunnak tiang a phelh dih taktak. Van ah a sunparnak le lianngannak a kaltak I a dih:Avulei pumsa, nomhfah le nunnak tiang a hlawt in kan caah aa thleng nain asinak taktak tu cu chiata loin nangmah le keimah thuam caah avun put. Amuizoh ah a tlawm nain Amah he a tong cangmi thinlung a kangral lomi le a zor lomi a um kho lo. Maicham mei cungah ah khanghmi tuu le meheh thau bantuk in titsa thinlung thawnnak a zor I, cross ah Krih ah thah a sinak a hmuh lawng si lon , zeihmanh lo misual, lawng kawrawng men asi a hmuh cang ahcun ngeihthiam hal ding zong aum tilo. Bawipa nih a arak ngeithiam dih cangmi thil kong ah ngaihthiam hal than lengmang hi Amah zeirel lo asi.
Cu nun zawr, nunthep, nun lawng kuarawng nih cun lomhnak chim dah tilo cu a ruah mi ruak asi ko. Cuka ahcun Krih nih Amah nunnak thlarau in a vun peh I a nunpi tawn caah zumtu cu lomhnak luangliam ruangah mithli a tla tawn. Anun cu felnak in dawhnak tein a hruai. Hihi Na pianthar asi lo. Hrinthar cangmi, a paingthar cangmi na si na hngalh ni asi. Bawipa nih cun Afapa thihnak le thawhthannak thlarau chungah thawhthan zingah khan an hrin diam cang. Cucu Nikodamus sinah “Pumsa lei in ti ahcun mi cu a nu le pa chung in(pumsa duhnak/ihtinak in) a chuakmi asi.(John.3:6). Titsa hrin cu titsa thinlung , pumsa ruahnak te a keng ve lai. Krihfa chungkhar a chuakmi na si ruangah na hnangam thlorh hlah she. Bawipa nih Amah thlarau chungah an hring cang maw? Tihi a biapi. “Sihmanh selaw thlarau hrin si awk ahcun Thlarau in a chuakmi asi awk asi.�.(John. 3:6). Krih thawhthan ni ah Bawipa nih cun an hrinthar diam cang. Amah belte cu, pumsa in na chuah rih lo ruangah na hngalh lo biatu asi kho. Hrinthan na sinak na lung a tlian I na thlarau Bawipa nih a tongh ni hi na hrinthannak asi. Hi nunnak bia hi thlarau in na ei fuh I na chung minung a nun hnu ahcun zumh lonak le tihnak a lo. Bawipa cu na zumhnak(rinhmi) a cawlcangh cu nangmah le midang sinah thuh khawh asi lo. Van thluachuah aa hawn rualrual in vulei thluachuah zong aa hawng vima lai
mary 1,2 to calvary peh than ding
Sui Chin
