Hi cauk pante cu Baibal cawnnak i hman awkah tuah a si. Zeitindah hman awk a si? Atanglei program ning hin ruahnak kan in cheuh: Cawnnak ahramthoknak kip ah, biahalnak an um. Biahalnak kip hnu i a kulh chungah, alehnak hmuh khawh asinak catlangbu numbar na hmuh lai. Abiahalnak kha ṭha tein rel hmasa. An kong kha ruat. Cuhnuah catlangbu kip kha rel hna, cun Baibal cang hna kha na Baibal chungah zohchih. Cawnnak pakhat na dih tikah, abiahalnak lei ah kir ṭhan law biahalnak kip Baibal nih alehnak kha na cinken khawh nakhnga i zuam. Hi cauk pante azapite na dih tikah, hnulei kir ṭhan law biahalnak vialte kha zoh ṭhan hna.
Pathian Nih An Halmi Na Hngalh Khawhnak Lam | |
 | Zeibantuk a biapimi hngalh awk bia dah Baibal chungah a um? (1) |
| Baibal chuahtertu cu ahodah a si? (2) |
| Zeicahdah Baibal cu na cawn awk a si? (3)
1. Baibal cu Pathian sinin a man a sungmi laksawng a si. Hi cu dawtnak a ngeimi pa pakhat sinin a fale sinah cakuat pakhat bantuk a si. Baibal nih Pathian kong biatak—amah cu ahodah a si i, a rikhiah micu zeidah a si ti kha a kan chimh. Harnak kha zeitindah tei khawh a si i, a hmaanmi lunglawmhnak kha zeitindah hmuh khawh a si ti a fianter. Baibal lawnglawng nih Pathian lung lawmhter awkah zeidah kan tuah awk a si ti kha a kan chimh khawh.—Salm 1:1-3; Isaiah 48:17, 18.
2. Baibal cu minung 40 hrawng nih B.C.E. 1513 in i thok in kum 1,600 leng chungah an ṭial. Hi cu cauk fate 66 in komhmi a si. Baibal a ṭialtu hna cu Pathian nih a thaw a chuahhnawhmi hna an si. Anmah ruahnak si lo in Pathian ruahnak kha an ṭial. Cucaah vawlei cung minung ahohmanh si lo in, vancung i a ummi Pathian cu Baibal chuahtertu cu a si.—2 Timote 3:16, 17; 2 Piter 1:20, 21.
3. Pathian nih Baibal cu hmaan tein a tlenter hna i a kilven. Cauk dang zeihmanh nak in Baibal cu tam deuh suaomaupi chuah a si cang. Baibal na cawnmi an in hmuh tik ah mikip an i lawm lai lo, sihmanhsehlaw mah nihcun in ngolter hlah seh. Zungzal na nunnak cu zeibantuk ralchannak lak zong in Pathian na hngalhnak le a duhnak na tuahnak cung ah aa hngatmi a si.—Matthai 5:10-12; Johan 17:3.
|
