Sunday School a rak thawktu hi England ram Glocester khua i a ummi Robert Raikes timi pa a rak si. Amah cu canamnak (Press) a ngeimi a rak si pinah Tadinca chuahtu pakhat zong a rak si. 1736 kum ah England ram Glocester khua ah a chuak. Khrihfa tha ngai a si bantuk in harnak a tongmi pawl va bawmh hi a zuam ngaimi a si. Thongtla pawl an nunning a zoh tikah Pathian kong chimh ahcun an nunzia an i thleng kho deuh lai tiah a rak ruah i thongtla pawl sinah rian a rak tuan hmasa nain an nunning an i thlen khawh hleilo caah a ngawl than. Robert Raikes nih zeitindah sifakmi ngakchia pawl nunnak thanchoter hi kaa zuam lai ti kha a ruat lengmang.
1780 kum ah a pawngkam ummi ngakchia pawl sianginn zong a kai kho ve lomi le umnak zong thatein a ngei kho ve lomi hna sinah riantuan hram a thawk. Ngakchia pawl tamdeuh cu Kawhrenh sernak Sehzung (Pin Factory) ah rian a tuanmi an si caah zarhpini (Sunday) lawng hi an imanh caan a si i Sunday School tiah min a bunhnak zong a rak si. Ca chimtu nu pakhat kha a rak hlan i tinchia (Match) le bible ca chimhnak in ngakchia pawl cu a thawkpi hna. A thawkka ahcun midang nihsawh zong a rak tong ngai . Asinain Robert Raikes cu lungdong lo tein a tuan lengmang. Kum 3 a rauh hnu ahWesley te unau le Whitefield te unau nih tha peknak an vun ngeih. Cu hnu in mi zapi zong nih November 3, 1783 ni ah hnatlakpinak an rak ngeih hna. 1785 kum ah Robert Raikes le William Fox nih "Sunday School Society" tiin Sunday School cawnpiaknak bu an rak dirh. Cuticun sianginn zong a hung karhchin lengmang. 1789 kum ahcun siangngakchia 250,000 tiang an hung karh lawng siloin an nuncan ziaza a tha deuh ngai cang. Misualmi zong mit hmuh in an hung zor chin lengmang. Cuticun Sunday School cu London in America ramVirginia tiang a hung karhchin lengmang. Robert Raikes cu 1802 kum ah pensen a la i an ram nih Khuapi caah luatnak "Freedom of the City" timi min thatnak an pek. 1811kum ah a thi. A ruak cu a Sunday School siangngakchia pawl nih hlunghlai tein an thlah. 1824 kum ah American ram ah Sunday School Bu timi American Sunday School Union cu an vun tuah. Sunday School hi ngakchia hna caah a tha ngaimi cawnnak hmun a si kha mi zapi nih an hun theih cang i 1912 kum ahcun cawnpiaknak program pawl zong an vun karhter chin. Kan Kawlram ah Sunday School a rak thawktu cu Judson siangbawipa nupi Ann Judson a rak si. Zarhpini ah Khrihfa pawl kha Bible ca cawnnak le halnak a rak tuahpi hna nakin a thawk. Atu ahcun Sunday School tinak in Church School tiin kan hman deuh cang. Cun Khrihfa bu kip ah Christian Education (C.E) Department min zongin Sunday School hruainak cu Department pakhat ah chiah a si.
1780 kum ah a pawngkam ummi ngakchia pawl sianginn zong a kai kho ve lomi le umnak zong thatein a ngei kho ve lomi hna sinah riantuan hram a thawk. Ngakchia pawl tamdeuh cu Kawhrenh sernak Sehzung (Pin Factory) ah rian a tuanmi an si caah zarhpini (Sunday) lawng hi an imanh caan a si i Sunday School tiah min a bunhnak zong a rak si. Ca chimtu nu pakhat kha a rak hlan i tinchia (Match) le bible ca chimhnak in ngakchia pawl cu a thawkpi hna. A thawkka ahcun midang nihsawh zong a rak tong ngai . Asinain Robert Raikes cu lungdong lo tein a tuan lengmang. Kum 3 a rauh hnu ahWesley te unau le Whitefield te unau nih tha peknak an vun ngeih. Cu hnu in mi zapi zong nih November 3, 1783 ni ah hnatlakpinak an rak ngeih hna. 1785 kum ah Robert Raikes le William Fox nih "Sunday School Society" tiin Sunday School cawnpiaknak bu an rak dirh. Cuticun sianginn zong a hung karhchin lengmang. 1789 kum ahcun siangngakchia 250,000 tiang an hung karh lawng siloin an nuncan ziaza a tha deuh ngai cang. Misualmi zong mit hmuh in an hung zor chin lengmang. Cuticun Sunday School cu London in America ramVirginia tiang a hung karhchin lengmang. Robert Raikes cu 1802 kum ah pensen a la i an ram nih Khuapi caah luatnak "Freedom of the City" timi min thatnak an pek. 1811kum ah a thi. A ruak cu a Sunday School siangngakchia pawl nih hlunghlai tein an thlah. 1824 kum ah American ram ah Sunday School Bu timi American Sunday School Union cu an vun tuah. Sunday School hi ngakchia hna caah a tha ngaimi cawnnak hmun a si kha mi zapi nih an hun theih cang i 1912 kum ahcun cawnpiaknak program pawl zong an vun karhter chin. Kan Kawlram ah Sunday School a rak thawktu cu Judson siangbawipa nupi Ann Judson a rak si. Zarhpini ah Khrihfa pawl kha Bible ca cawnnak le halnak a rak tuahpi hna nakin a thawk. Atu ahcun Sunday School tinak in Church School tiin kan hman deuh cang. Cun Khrihfa bu kip ah Christian Education (C.E) Department min zongin Sunday School hruainak cu Department pakhat ah chiah a si.
Kan Lairam ah Sunday School ningcang tein a kan thawk piaktu cu Johnson siangbawinu a si i, 1950 kum ah a rak thawkpi hna tiah theih a si.
(Note: Hi capar hi HBA C.E department nih chuahmi Sunday School cawnpiaknak cauk chungin "Ngakchia hna ni" philhlonak caah ka hun langhter thanmi a si. A ruang cu aralaimi Jun thla chung hi cheukhat Kharihfa bu ah "Ngakchia hna ni" tuah asi caah kan hun thlahnak a si.)
