Lairam cu Kawlram nitlak chaklei ah a ummi a si i, nichuah in nitlak lei hi meng (100), chaklei in thlanglei hi meng (300) tluk a sau le (13,913) square miles tluk a kaumi ram pakhat a si. N (20*37" le 24*5") karlak le W (92*8" le 94*3") karlak ah a um. Lairam cu district (2) in ṭhen a si i, chaklei ah Falam distrist le thlanglei ah Mindat distrist tiin ṭhen a si. Pengkulh/myone (9) le pengcheu/myone khuai (2) a um. Cu pengcheu, myone khuai pahnih hna cu chaklei Tonzang peng ah Cikha myone khuai le thlanglei Matupi peng ah Rezua myone khuai an si.
LAIRAM MI HMASA HNA
A tanglei minung hna hi kan Lairam chungah biaknak lei siseh Vawlei lei siseh mi hmasa pawl an si hna:
(1 ) Lairam ah Pathian rian,missionary ṭuan ah a phan hmasa bikmi hna cu Siangbawi Arthur E. Carson le Laura Hardin (1890) an si.
(2 ) Lairam ah missionary sianginn a umnak hmasa bik cu Hakha (1902) a si.
(3 ) Lairam ah pastor rian a ṭuan hmasa bik cu Thuam Hang (1907) a si.
(4 ) Lai ram chungah High School a hmu hmasa bikmi khua cu Falam (1935) a si.
(5 ) Lairam chungah B.A awng hmasa bik cu U Siah Luai (1938) a si.
(6 ) Lairam chungah B.D awng hmasa bik cu Stephen Hre Kio a si.
(7 ) Lairam ah zipeng rian a ṭuan hmasa bikmi cu R. Ṭuan Hmung (1947) a si.
(8 ) Lairam ah vuanci rian a ṭuan hmasa bikmi cu Vum Tu Mawng (1948) a si.
(9 ) Lairam ah High school sianguk rian a ṭuan hmasa bikmi cu Sum Mang (1948) a si.
(10)Lairam ah M.R.E a awng hmasa bikmi cu Rev.S.T. Haugo (1950) a si.
(11) Lairam ah B.Th awng hmasa bikmi cu David Van Bik a si.
(12) Lairam ah mangki bawi a ṭuan hmasa bikmi cu P. Tuang Mung a si.
(13) Lairam ah siibawi(MBBS) awng hmasa bikmi cu Dr. Ni Khuai a si.
(14) Lairam ah engineer awng hmasa bikmi cu U La Bik (1953) a si.
(15) Lairam ah nu B.A awng hmasa bikmi cu Hlawn Kip Thluai (1960) a si.
(16) 1947 Pinlong hnatlaaknak (Pinlong agreement) ah Lairam chungin minsen a rak thutu hna cu Hakha in Kio Mang, Falam in Hlu Mang le Tedim in Thawng Za Khup hna an si.
By- Salai Biak Lian Thawng
