 |
| Evan H.T Tial Uk |
Gospel
4 nih hin Jesuh nih Jeruslam ah aicitmi Laa kong hi an `ial cio ko nain Matthai
`ialmi theng ka laknak cu a dang nih cun Laa fate aicitnak long kha an langhter
i a nu kong kha an kal tak caah Profet Zekriah hmang in Pathian nih Jesuh khrih
cu Laa Pifa hmang in Jerusalam ah sunparnak chikkhat a hmuh lainak kha a rak
langhter chung i, cu a langhter mi kha a tak in Jesuh nih a tlinter bakmi kha
kaa thimnak a ruang cu a si.
Zek9 : 9 (hika zawn hi Lai Bible in cun Laa fano te cit in a ti nain Bibledang zohhmanh Laa pifa ati ve lai. Kan Bawipa Jesuh cu Jerusalem ah luh aa timh tikah Jeruslem ah Sunparnak chikkhat te can tawi te an peknak ding hmun ah luh aa tim tikah a sunparnak hrawmh ding ah a timhmi Laa pifa kha a va lakter hna Nanhmai khua ah khin vakal ulaw Laa pakhat aa hrengmi nan hmuh lai cu Laa sinah cun a fate kha a um lai cun ka sinah nan ratpi hna lai a ti hna a fa lawng kha rak hruai u a ti bak lo an pa 2 tein nan rat pi hna lai tiah a ti hna. Zeiruangah dah a fa lawng lakter loin a nu thengmang nan rak hruai chih lai a ti hnga a fa lawng cun rak hruai hna sehlaw a nu aa hren ko ahcun a kir `han leng mang lai i kaa hmang kho lai lo ti kha Jesuh nih a theih caah a si. Cucaah an nu fa in nan rak hruai hna lai a tinak a si. Dawtmi ule nau hna hi nih zei khi dah a kan cawnpiak hnga kan ti ahcun Fale cu nule pa kan i hrennak, kan tuahsermi kan ei dinmi kha an i hrawm ve an ei ding ve an tuah ve Laa pifa kha zoh hmanh ulaw a nu aa hrennak te ah a fa zong a bawk ve ko a nu eimi a ei ve a nu dinmi a ding ve. Phundang in Thlacammi Nule pafa cu thla a cam ve ko lai i Pathian thang`hatnak a pemi Nule pa cu an fale Pathian an thang`hat ve ko lai i mikong ceih lawng a rian mi Nule Pafa le cu an fale mikong ceih kha aa nuam ah an theih ve ko lai Nule Pa kan biapi tuk. Jesuh nih Laa pifa aa hrengmi hri phoih piak ding ah a tlahmi hna kha pa 3 an si lo pa 4 zong an si fawn lo pa 2 a si i cu pa 2 hna nih cun Laa pi cu an hrennak hri kha an vaphoih piak i Jesuh sinah an rak hraui tikah a fa te zong nih a rak zulh ve. Ule nau hna Jesuh nih aihreng mi phoih piaktu Minung pa 2 nih a kan cawnpiakmi cu nihin Sualnak phunphun Kuak, Khaini, Zuu, Bear, Phe, Wine, Love song tbk hri in aa hreng komi hna kha Jesuh nih a sunparnak hrawmh a kan duh tikah Cu kan i hrennak hri Phoih piaktu ding ah a rak thlah vemi cu 2 a si i cucu OT le NT Biakam hlun le Biakam thar hi a si ve Johan 8:32 ah biatak nan hngalh lai i cu biatak nih cun an luatter hna lai a ti. Halleuijah,Amen.
Cu biatak nih Jesuh sinah hraui a kan timh tikah
hin, Fanu le Fapa lawng hruai a kan tim lo, chungkhar ning-in hruai a kan timhmi
a si. Nihin kan ram ah Jesuh sinah fa le lawng kan thlah hna, Camping Crusade
kan kaiter hna, an piangthar kan ti i, kan i lawm tuk nain kanmah Nule Pa kan i
hren ko caah, kan fale caan sau an kal kho lo, a rak kir `han lengmang. Cucaah
Nule Pa a simi nih Jesuh sinah hmaisat piak hna usih-law fanu fapa hna nih an
kan zulhlai i, chungkhar dih lak in Jesuh nih a sunparnak hrawmh tiin Jeruslem
thluachuah hrawmh a kan duh. Helleluijah,Amen. Khrihfabu zong ah, hruaitu Nule
Pa, Zu ah,Kuak ah,Wine ah, Nu le pa sualnak tbk a phun2 hri in kan i hren ko paoh
ahcun, hrauimi hna cu an i hreng ve ko lai member cu sual he kan i ciah dih ko lai
Hruaitu Nule Pa Biatak hraim nam in kan i phoih ta a herh i Jesuh sin hmai kan
sat a herh ko Thiangthlarau nih kan bawm ko seh. luka 19:37 kan zoh than tikah
Jesuh nih Laa fa cu aa cit i Jerusalem lei kha a vung zuang a ti. Ule nau hna
Jesuh citmi Laa nih Jeruslem ah a vun zuan bantukin, Jesuh nih aa cit cangmi
hna nun cu Cho ah an kai lo i chuk ah an zuang halleluijah. Chuk a zuangmi nih
Jeruslem an phan i Jeruslem ah Jesuh a sunparnak an i hrawm ve tawn. Amen. Nihin
kanram ah Jesuh nih aa citmi cheukhat belte Chuk lei zuan loin cho rumro kan i
cuh ve tawn i khuaruahhar cu si ko Khua le ram ah Khrihfabu ah rian`uan hawi lakah,
chuk zuan nun kan ngei lo tangdor nun kan ngei lo cho runro kan i cuhUpa si le
Uk tu si rumro kan i cuh, Cu nun ngeitu hna cu Jesuh citmi an si kho hrimhrim
lo Lusifar Sahtan lawng pei cung lei ah aa cuh i Pathian nak sang ah kai aa tim
caah cung lei aa cuhmi Lusifar cu tang ah thumh a si Jesuh citmi nun cu ang lei
cuh tangdor nun ngeitu hna hi an si. Cu bantukmi cu a caan a cut tikah Jesuh
nih a hlorh ve tawn hna. Halleluijah,Amen. Jesuh cu Laa fate cit in Jeruslem ah
a luh tikah mipi nih an rak dawn i, sunparnak an rak pek, Puan an phah piak, Tumhnah
an phak piak Jesuh an cawisannak le sunparnak an pekmi kha Jesuh nih aa citmi
Laa fate nih aa hrawm ve. A ruang cu Jesuh nih aa cit caah a si. Amen. Nihin
Jesuh nih aa citmi hna nun cu Jesuh nih a sunparnak le a thluachuah a kan
hrawmh caah kan theih ballomi thang`hatnak le dawtnak le cawnglawmhnak aw tete
kan theih tawn. Cucu kanmah kan si lo Jesuh nih a sunparnak a kan harawmhmi a
si caah amah tu thang`hat ko usih. Laa fa nih khan keimah an ka thang`hat lo ka
cung i Jesuh hi sunparnak an pekmi a si ti kha a hngalh tuk caah a nih cu tang
le te ah a kun i Jesuh kha mi vialte nih hmukho hna seh tiin Vawlei hoih in a
kal peng ko. Nihin kan ram ah Jesuh ruangah mi nih thang`hatnak le upatnak an
kan pek tikah micheu cu Jesuh sunparnak pek in kanmah tu Vawlei lei kun in kanmah
tu i thup in Jesuh tu cawisan loin Keimah tinak thinlung he cung ah kan dir
caah Mipi nih hmuh an duhmi cu Jesuh kha a si i duh a nungmi le hmuh an duhmi
Jesuh kha kanmah nih kan phenh dih caah mi vialte nih hnu ah an kan kir tak i Jesuh
nih a kenmi Taksa Thlarau damnak le ti le rawl ei kho loin mipi a tuah tu kha
kanmah kan si tawn. Cucaah kanmah cu tang ah kun usih-law Jesuh tu cawisang in
hlorh ko hna usih.Amen
Arel
tu le athei tu cung ah Jerusalem thluachuah phan ko seh.
Arian
thian ah,
Evan.H.Thomas
~ial Uk
