Bawi Khrih min in nan kut kan tleih hna. Hi ca a rak reltu vialte, taksa, thinlung, thlarau thluachuah Bawipa nih in pe ko hna seh.
Taksa, Thinlung , Thlarau Na Dam Maw?
Kan taksa a dam ahcun kan lungthin aa nuam. Lungthin a nuamh ahcun, thlarau zong aa lawm. Pathian nih thlarau lawng dam ter a timhmi a si lo i, Kan taksa pumpi hrimhrim hi damter a kan duhmi a si. Thluachuah zong a kan kamhmi a si. Deuteronomy 6:25 ah Lai Baibal ahcun “ Nawl a kan pek bangin Bawipa kan Pathian hmai ah hi nawlbia vialte cu ttha tein kan tuah ahcun kannih caah dinnak a si lai,” tiah na ti lai. Mizo Bibal ahcun Dam na a ni dawn a ni a ti, Mirang ah zoh ve. A nawl zulh le tuah hi kan caah damnak, dinnak lawng si loin, vawlei thluachuah tampi aa tel chih. Cheukhat cu taksa a dam ko nan thlarau dam lomi kan um, Thlarau dam nain taksa dam lomi zong kan um. Na thlarau a dam taktak ahcun na taksa zong zei mawzat cu a dam hrimhrim lai. Ram le miphun a damnak hnga ti i kan buaipi lengmangmi hi nangmah le keimah dah kaw kan si cu. Atu ah miphun le ram caah i pum pekin rianttuan a si tikah thlarau dam lo ahcun i pumpeknak zong hi pakpalawng a si.
Testimony:
Ka damnak testimony Joh 11:40 na zumh ahcun Pathian sunparnak na hmuh lai ti biafang hi kei ka caah cun damnak a si. A bia hi kan damnak tling taktak a si. Ka nau inn hlonh ding ni 10 chung Doctor nih Operation ding in caan pek ka si. Bawipa nangmah nih operation ka tuah ko, Vawlei lei sibawi ka panh lai lo ka ti i, ka thih si le na hmual pho tiin thla ka cam. Jesuh zong nih mizaw a damter hna ah khan na zumhnak thawngin na dam cang tiah a ti hna. Kan Pathian hi i bochan awktlak taktak a si. Nang zong damter na si cang ti hi aw ka theih i chikhat te ah ka dam taksa he thlarau he. Amen. Na zumh taktak ahcun na dam ko lai. Hi bible cang hi rak rel ve tthan law na caah thazaang a si ve hnga maw.
Thlacam: Luke 18:27 Minung tuah kho lomi cu Pathian nih cun a tuah khawh ko.
Vawleicung ah rian ngan cem cu thlacam hi a si. Vawleicung pumpaluk caah thlacam a herh cang. Kan lei ba lian cem cu thlacam hi a si. Lungrual tein thlacam nakin ral kan doh ti a hau cang. Salm 144:1 (David hla) Amah nih ral doh kha a kan cawnpiak. Ka kut dong kha ral doh a thiamter hna. A hme 2 ah ka bochan miphaw a si a ti. Bawipa nai bochan taktak ahcun thlacam loin na um kho lai lo. A hme 3 ah Bawipa zawn ruahmi hnakkar tenhmi kan si. Salm 23:1 Bawipa cu a ka veng tu a si. Ka herhmi vialte a ka petu a si. Salm 124:1 Bawipa hi kan lei ah rak ttang hlah sehlaw, nang le kei hi zeihuah dah kan huah hnga.Thlacamtu ah Bawipa nih a kan thimmi hi i lawm usih. Kan cam lo le nangmah le keimah mawh a si ko lai. Luke 18:7 Pathian nih amah mi hna chun zan hlan in a sinah bawmh hal awkah a au lengmangmi hna cu thiam co loin maw a um hnga. Anmah bawmh awk ahcun a khul a nuar ko hnga maw.
Thlacam Hi Fial Kan Si: (Theselon 5:17)
Thlacam hi fial kan si. Huam zong huam lo zongah cam hrimhrim a hau. Thlacam lomi zumtu piangthar khrihfa cu ttih a nung tuk. Luke 13:6 ah mipa nih dum chung thei cu tlai le tlai lo a va zoh tawn. Dum neitupa cu Bawipa Pathian a si. Na nun rihmi hi a zaangfahnak a si. Kum 1 a zuahmi cu an tlai maw tlai lo, an tlai lo ahcun hau i mei ah peih ding a si caah Bawipa nih a kan veh peng i A kan hngah ko hih. Dum ngeitu pa nih a velchum ah nawn ka toih lai i, a tlai lo ahcun na hau ko lai Nawn cu zeidah a si tiah cun Thawngtha kan sin a phan lengmang ko nain zei kan rel lo. Pathian bia loin mah duh paoh cawl cangh, dum ngeitu nih a kan hlonh sual lai maw? Dum ngeitupa nih ttha tein a zoh, Bawipa bia na tlolh sual maw? Na tuah ding na pek ding tuah loin na um sual maw? A sual a ngaih chih i aa let zaumi cu an hlawk bik. Sawm lio i duh lo a caan luan hnu i ngeih chih cu hrem hmun i thawngttha chim he aa lo. Beisei zongah sullam a um ti lo. Thlacam law Bawipa zeidah ka tuah lai tiah hal. Pathian thlarau rianttuan-nak cu thli tubantuk a si. Thlarau pakhat tal na tlai ve cang maw? Na ngeih mi chawva he Bawipa rian kan ttuan ti lai. Thla rak cam law Bawipa nih na nun ah bia a chim ko lai. Thlacam hi Bawipa sin i thaw kan chuah a si.
Rianttuannak I A Tel Duhmi Le Thlacam Piak A Duh Mi Hna Caah:
Atu i Bawipa rian ka ttuannak hi inn a dangte in hlan a si i, thlakhat ah Rs.4000 le mei man a si. Hmai thla inn luah man pek ding caah thla rak ka campiak ve u law ka lawm ko hnga. Sponsor ngei lo i Pathian rianttuan cu a har ko. Chawva tel lo i rianttuan cu hmual a ngeih ding tluk in a ngei tawn lo. Atu Delhi Chin Refugee mi thong10 lakah hin rianttuan ding a tam tuk i, Hremhmun kal dingmi nung, setan nih a hruai chih cuahmah mi hna an tam tuk. Na chawva rak chuah law rian kan ttuanti lai. Bawipa zaangfahnak le lam hruainak thlarau thianghlim rianttuannak thawngin mipa 10 reng lo nih atu kum 2011 ah piantharnak an co cang. Nang zong thlacam piak na herhmi a um ahcun Phone No:9958231008 zong in campiak khawh le cah khawh zong a si fawn. Thlacam piak hi a sunglawi ngaingaimi a si. Kan miphun nih damnak a hmuh i, a co ve nakhnga mit kuh vuai loin zing he zan he thlacam a hau. Rawl ka ei caan, pumh caan ti lo paoh cu Bibal rel le thlacam in caan ka hmang tawn. Bawipa he i chonh cu a biathli theih khawhnak a si. A harnak zong tampi a um ve. Harnak ton hnuah Bawipa thluachuah hi a ra tawn. Bawipa caah na nun in siseh na caan siseh na chawva in siseh zeitluk dah na pek khawh ve cang. Bawipa caah harnak zeitluk dah na tuar ve cang. Miphun le ram caah kaa pekmi hi, rawl ttam ti hal tampi tuar hnu ah hi dir hmun hi ka dir khawhnak a si. Bawipa nih sunparnak tu co ko seh. Na rak rel huam ah cun Pathian bia zong, experience ka tonmi tete kan rak chim tthan lengmang te lai.
A Tialtu Elizabeth Ni Doi (SungSung Nu)
Phone No:995823100
klnidoi07@gmail.com
Chanakya Place
NewDelhi
