September thla dih hi US cozah nih fiscal year an timi kumkhat caah budget an ngeihmi a dih thla asi. September ni 30 ah hin a ralai dingmi kum ah zeidah kan tuah lai timi budget hi an thanh khawh zat paoh cu an thanh zungzal. Ralzam pawl lak ding ca zongah hin September 30, 2011 ni ah khan Inn Rang nih thawngpang a thanh cang.
Inn Rang nih thawng a thanhmi cachuah ah hin US ram nawlbia "section 207 of the Immigration and Nationality Act (the "Act") (8 U.S.C. 1157)" ningin le congress upa hna hnatlaknak in siseh US ramukbawi President Obama nih thawng a thanh. Cu tin Inn Rang Cachuah chung ah thanh ningin cun, US ram nih hin ara lai dingmi kum 2012 kum ah ramkip in ralzam dihlak 76000 cu US ram ah lak ding ti a si. Minung cuzat an timi hi 2012 chung ah US ram ah a rak lut dingmi ralzam dihlak kha relh chih ding an si.
Africa . . . . . . . . . . . . . . . . . . . . . . . . . 12,000
East Asia . . . . . . . . . . . . . . . . . . . . . .18,000
Europe and Central Asia . . . . . . . . 2,000
Latin America/Caribbean. . . . . . . . 5,500
Near East/South Asia. . . . . . . . . . . 35,500
Unallocated Reserve . . . . . . . . . . . 3,000
East Asia . . . . . . . . . . . . . . . . . . . . . .18,000
Europe and Central Asia . . . . . . . . 2,000
Latin America/Caribbean. . . . . . . . 5,500
Near East/South Asia. . . . . . . . . . . 35,500
Unallocated Reserve . . . . . . . . . . . 3,000
Adonghnak cem ah Unallocated Reserve timi number nih a chim duhmi cu khawika rammi tiawk tha rih lomi, minung 3000 lakding caah reserve an tuahmi a si.
Cun atanglei ram mi hna le minung hna zong hi US ram chung ah immigration in luhnak nawl pek chih ding ti zong hi ai tel.
a. Persons in Cuba
b. Persons in Eurasia and the Baltics
c. Persons in Iraq
b. Persons in Eurasia and the Baltics
c. Persons in Iraq
d. US Embassy umnak ram kip ah US cozah nih US ram ah lutter awk a tha a timi paoh paoh..
US Inn Rang nih thawngpang an thanhmi tlamtling bik ah hin acung lei number hna hi an si i, East Asia timi ah khin Kawlram in ralzam paoh paoh cu i telve a si. Mah khi East Asia timi ram hna in khin ralzam atambik an lak mi cu Kawlram ralzam an si zungzal. Bhutanese le Nepal mi hi atam cem an lakmi ah pahnihnak tamlei a si lai i, adang hi cu 500nak tlawm lawngte an si tawn.
Tukum chung ah khan East Asia in 19000 lak ding tiah nikum September 30, 2010 ni ah khan Inn Rang nih thawng a rak thanh. Tukum cu 1000 an tlawm deuh mi hmuh khawh a si. Ralzam 80,000 hi tukum 2011 kum chung ah US ram chung ah lak ding tiah rak thanh a si. Tukum cu aza tein 4000 a tlawm deuhmi hmuh khawh a si rih.
2010 kum chung ah khan Malaysia ah ummi Chin refugee za tein 6000 cu US ah lak ding tiah rak timh asi i, adang Kawlram in ralzam 17000 zong lak ding tiah 2010 ah khan rak tinh a si.
Ara dingmi 2012 kum chung zong ah hin Chin refugee zeimawzat cu mah tin lakdingmi (18000) chung ah hin number tamngai an si ve.
