Na nunnak ah na lungre a thei maw? Zeihmanh ka si ti lo tiah na lung a dong sual maw? Na tonmi harnak le retheihnak le lungawtawmnak tampi lakah Na nunak ah teitu si na duh maw? BAWIPA nih na sining tein an dawt i, a ttha bik tinhpiakmi an ngeih ko dah kaw (Jer.29:11). Na lungdong hrim lai cih.
Tihnak in kan luatnak hnga BAWIPA nih a thukmi a biathli an kan chimhmi kan theih tthan lengmang a hau. Cucu hitin a ti ai: Khrih ca rianttuan tiah (Krihfa kan sinak ahhin) kan si tikah, a zumh lei lawng hi si loin a ca i temhinnak hmuh ding zong hi a si chih (Philipi. 1:29). Cucaah cu bantuk Harnak caan i na der a si ahcun na der taktak a si. (Phungtlukbia.24:10). Cucaah cun thawng law Patling/Nutling na si kha langhter tuah (1Siangpahrang.2:2). Cun na ral (buainak, lungdonghnak, damlonak, sifahnak, cathiamlonak, harsatnak phunphun, etc.) kha ttih hna hlah; ralttha ngaiin um zungzal law, cu nihcun annih an sungh i nang teitu na si kha a langhter lai teinak petu cu PATHIAN a si (Philipi.1:28). Amen! Atu tiangin BAWIPA nih a kan bawmh (1Samuel.7:12). Minung nih cun zeitikhmanhah kanmah le kanmah kan i tlan kho lo (Salm. 49:7), cun Mi cu a lianhngannak nih thihnak in a khamh kho lo; saram bantukin a thi ve ko lai (Salm.49:12). Sihmanhsehlaw, kannih zumtu cu PATHIAN nih a kan khamh lai; thihnak tthawnnak chungin a kan chuah lai (Salm.29:15). Amen! Innka pakhat kan hunpiak i ahohmanh nih an khar kho lai lo, tiah BAWIPA nih a ti (Biatlam.3:8). Amen!
Thawngzam
GERMANY
